Qhia Kom Tau!

Txhua tug neeg uas pom tau hais tias yog ib tug tswv zog yuav nug kog hais tias, “Koj ua tau yam dab tsi rau kuv?” koj yuav tsum ua kom ntau tshaj qhov yuav piav qhia rau tug tswv zog hais txog yam uas koj muaj cuab kav ua—koj yuav tsum qhia kom tau! Txog tej yam qauv uas koj tau ua tiav yav tag los kom qhia tau hais tias koj no yeem yuav muaj ngis rau nws mus lawm yav tom ntej.

Daim qauv uas yuav hais mus tom ntej no yog yuav pab kom koj nco txog koj tej hauj lwm uas koj tau ua tiav yav tag los. Siv ib lo lus nug yam zoo li ib daim txiag nqa kom koj ho tau rov xav txog tej yam uas koj tau ua dhau los. Koj yuav ceeb hais tias ntau yam uas koj tsis hnov qab txog twb muaj ntau npaum li cas lawm!

Rau txhua lub sij hawm uas yuav hais txog, yam dab tsi yog yam xub thawj ntawm koj cov hom phiaj thiab txoj kev taug? Cov ntawd pos tau ua tiav?
Yam twd yog qhov loj tshaj plaws uas koj tau ua tiav nyob rau hauv koj txoj hauj lwm yav tag los?
Koj pos tau txais dua tej yam paj tshab, lus qhuas los sis tej yam kev lav paub? Vim li cas?
Koj pos tau txais dua nyiaj pub ntxiv, nyiaj khoom plig, nce theem hauj lwm, tej txoj hauj lwm tseem ceeb uas muab rau koj ua ntu pauv? Vim li cas?
Koj pos tau txais dua nyiaj pub ntxiv los sis nce theem hauj lwm sai tshaj qhov uas ib txwm muaj? Vim li cas?
Koj pos tau txais dua kev pab uas lwm tug tsis muaj? Vim li cas?
Koj pos tau ua dua tej yam dab tsi uas tau pauv lub hom phiaj ntawm txoj hauj lwm? Qhov xaus yog zoo li cas?
Koj pos tau ua dua kev txuag nyiaj rau lub tsev ua hauj lwm? Yog li cas?
Koj pos tau muaj dua tej lub tswv yim tshiab, kev ua hauj lwm tshiab, lus cog uas muaj kev tsim khoom siv, los sis tej yam kev uas yuav txiav kom tsawg cov khoom pov tseg?
Koj pos tau ua dua tej yam hauj lwm tshiab los sis hom phiaj tshiab?
Koj pos tau tshwm tswv yim dua pauv tau tej yam kev cai ua hauj lwm los sis kev cai coj ua? Xaus zoo li cas? Pos tau raug muab coj mus siv?
Koj pos tau ua dua kev pauv rau tej yam uas ib txwm poob nyiaj kom ho rov tsim tau nyiaj?
Koj pos tau ua dua nrog, kev khwv yees los sis saib xyuas kev npaj lub hom phiaj siv nyiaj?
Koj pos tau ua dua tej yam kev tsim los sis ua tej yam tshiab nyob rau hauv txoj hauj lwm?
Yam twd yog yam tshaj, tawm ntawm ib txoj hauj lwm lub hom phiaj uas koj tau txais? Xaus zoo li cas?
Koj pos tau tsim dua los sis pab muag khoom los sis pab ua kev khau xab nas?
Yam teeb meem twd uas koj tau pab daws rau tug neeg saib hauj lwm los sis pab daws rau lub tsev ua hauj lwm? Koj ua li cas?
Koj ua li cas pab rau tug neeg saib hauj lwm kom nws ho muaj ntsej muag?
Koj ua li cas pab rau tug neeg saib hauj lwm kom nws ho ua tau zoo ntxiv los sis yeej raws li nws siab xav?
Neeg cov teeb meem yam twd uas koj tau daws dua los lawm? Li cas?
Koj pos tau ua hauj lwm nrhiav neeg ua hauj lwm rau koj lub tsev ua hauj lwm? Tug neeg ntawd ua hauj lwm zoo li cas rau lub tsev ua hauj lwm?
Koj pos tau saib lwm tug neeg ua hauj lwm? Pis tsawg leej? Leej twd mloog rau koj?
Koj pos tau kav los dua lwm cov neeg uas yog cov neeg saib xyuas lub tsev hauj lwm? Koj kav lawv tej kev ua hauj lwm li cas?
Koj pos tau ua dua tej hauj lwm uas txais lwm tug neeg ua hauj lwm? Pis tsawg leej? Lawv ua hauj lwm zoo li cas? Koj pos tau tso dua tej tug neeg tawm hauj lwm? Koj ua li cas?
Koj pos tau tawm tswv yim kom ua ib yam khoom tshiab?
Yam ntawv xa xov twd uas koj tau ua dua los lawm? Koj pos tau sau tej yam ntawv muab nyiaj, thov nyiaj los sis cov xov xwm uas tau muab luam tawm nyob sab hauv los sis sab nraud?
Koj pos tau muaj kev hais lus los dua? Rau leej twd? Ntawm yam ntsiab lus twd?
Yam kev txawj ua hauj lwm yam twd los sis ib tsoom neeg lub koom haum uas koj tab tom ua nrog? Koj pos tuav ib txoj hauj lwm nyob hauv chav tsev ua hauj lwm?
Ntawv nyeem yam twd uas koj nyiam nyeem?
Koj yuav ua li cas thiaj li yuav khaws tseg kom tau txoj hauj lwm tam sim no?
Kev kawm ntawv ntxiv twd, kev qhia hauj lwm, los sis kawm hauj lwm uas koj tau kawm los dua? Koj ua li cas?
Koj pos tau qhia ntawv los dua? Thaum twd? Yam dab tsi?
Yam hauj lwm pab ua dawb twd uas koj tau ua dua los lawm? Koj ua txoj hauj lwm dab tsi? Kev tau ntawm koj txoj hauj lwm yog dab tsi? Tej yam kev txawj ntse twd uas koj muaj?
Koj lub tsev ua hauj lwm yuav zoo li cas yog hais tias koj tseem tsis tau nkag los ua nrog?

Tam sim no koj twb xav thoob txog tej yam uas koj tau ua tiav dhau lo lawm, txhob yig yuav muab khau xab nas tej yam uas koj tau ua tiav los no rau cov tswv zog mloog. Kom nco ntsoov hais tias, cov tswv zog nyeem tsis tau neeg lub siab. Koj yuav tsum qhia rau lawv hais tias koj no zoo npaum li cas!