Tej Yam uas muaj zais nyob ntawm kev xam phaj

	Yam twg yog tug neeg xam phaj Tab tom hais txog	Yam twg yog tug neeg xam phaj Tab tom ntsia txog

Lus Coj	Sib hu Tham me ntsis Pib lus nug Lus nug coj kev	Cwj pwm Yeeb yam Kev piav qhia — Tug kheej Kev hnov thiab paub

Hauj lwm Paub ua dua	Cov hauj lwm ua ntej tshaj plaws Sij hawm-luv, kav tsis ntev Cov hauj lwm ua tsov rog Hauj lwm puv-sij hawm Hauj lwm ua dawb	Hauj lwm sib xws ua dua los Kev ua hauj lwm ruaj nrees Kev txawj thiab kev sib twv Kev swm Ua tau heev Kev txhaub kom ua Ua hauj lwm tau nrog lwm tug Kev ua thawj coj Hlob thiab tsim kho

Kawm ntawv	(Tsev qhia ntawv theem pib) Tsev qhia ntawv theem nrub nrab Tsev qhia ntawv theem siab Kev kawm tej yam txuj ci Cov ntsiab ntawv kawm tsis ntev los no	Yam txheeb ze txog kev kawm Kawm ua los kawm ntawv txaus Muaj cuab kav yuav xav Ua tau ntau yam Paub ua txoj hauj lwm Kev txhaub thiab kev nyiam ua Zoo siab yuav txais kev muaj cai Muaj hmoo yuav tau ua tug coj Zoo siab ua nrog ib pab neeg

Yam ua	Tej yam xav ua thiab yam khoom nyiam ua Ua hauj lwm rau teb chaws thiab ua hauj lwm rau hauv zej zos Cheeb tsam chaw uas nyiam nyob	Kev zoo siab yuav xav ua Txawj siv lub sij hawm, zog thiab nyiaj txiag Hlob txaus thiab txawj txiav txim Zoo neej thiab muaj zog Kev hlob ntawm kev txawj ntse Nthuav kev rau kev xeeb ceem Ntau yam uas xav tau Hauv paus kev muaj nqis thiab lub hom phiaj Kev txawj ntse ntawm tug kheej thiab yam xav tau Kev ua tug thawj coj

Lus xaus, tug neeg xam phaj yuav ntsia txog tej yam uas koj yuav muab tau rau lub tsev ua hauj lwm: cov kev txawj ntse, kev txawj ua, kev paub, zog.

Yuav xam phaj kom tau zoo mas, koj yuav tsum siv cov lus, suab ntawm lus hais thiab kev ntsia pom kom zoo saib ua txoj kev qhia txog koj txoj kev ntseeg txog koj tug kheej, kev cog, kev ntseeg siab, kev ntse, paub hauj lwm thiab kawm ntawv.

Qhov no yog tej yam tswv yim uas yuav pab kom koj tau txoj hauj lwm uas koj xav tau ua.

Hnav khaub ncaws mus xam phaj ib yam li koj yuav hnav mus ua hauj lwm. Txhob hnav zoo heev los sis ho hnav tsis zoo saib.
Ib txwm mus xam phaj tib leeg. Npaj neeg tuaj zov me nyuam, kev thauj mus los, thiab lwm yam uas koj xav tsis txog ua ntej koj thiaj yuav muaj cuab kav mus kom tau raws li lub sij hawm thiab txhob maj thaum nyob ntawm chaw xam phaj.
Nrhiav kom pom tej yam uas zoo sib xws nrog tug tswv zog. Cov duab, phau ntawv, tsob paj, etc., nyob hauv tug tswv zog lub chav ua hauj lwm kuj yuav yog ib qho ua kev sib tham txog.
Qhia koj tej kev xav ua ntawm txoj hauj lwm thiab lub tsev ua hauj lwm uas yog siv cov xov xwm uas koj tau khaws tseg los ua ntej ua kev npaj rau kev xam phaj.
Cia kom tug neeg xam phaj yog tug coj txoj kev xam phaj.
Teb cov lus nug kom tseeb thiab zoo mloog. Qhia txog koj tej kev paub ua hauj lwm thiab kev kawm ua hauj lwm yuav pab ua kom koj txoj hauj lwm ua tau ntau nyob hauv ib cov sij hawm luv thiab ho tsis yuav neeg kav los kuj tau.

Lus Cim:

Hais yam zoo txog tug tswv zog yav dhau los thiab cov neeg koj tau ua hauj lwm nrog ua ke los lawm txawm hais tias yog vim li cas koj thiaj tau tawm hauj lwm.

Cia kom tug tswv hauj lwm yog tug pib kev tham txog tej kev pab cuam. Koj cov lus hais mus txog tej yam no kuj yuav zoo li muaj kev “tua-teeb.” Tab sis, txhob ntshai yuav nug txog tej yam uas koj xav paub txog.

Thaum tham txog cov nyiaj hli, yuav tsum ua kom ntswj mus los tau — zam kom tau tsis txhob hais txog ib cov nyiaj hais tias npaum li cas. Yog koj ho hais siab heev, koj txoj hmoo yuav tau txoj hauj lwm ua yuav tsis tshua muaj. Yog koj ho hais qis heev, koj muab koj tug kheej muag qis heev. Teb cov lus nug txog kev xav tau nyiaj hli kom xws li, “Kuv xav tau txoj hauj lwm ua kom yog pluas tshais pluas mog ua li mas kuv yeem zoo siab yuav tham thiab hloov tau ntawm lub nyiaj hli pib.” Nrog tham thiab hloov tau, tab sis txhob muag koj tug kheej qis heev.

“Kaw” kev xam phaj

Yog hais tias tug tswv zog tsis tau muab ib txoj hauj lwm rau koj los sis hais tias thaum twd koj mam li yuav hnov txog, nug saib thaum twd koj thiaj li yuav muaj cuab kav hu tuaj nug tau txog nws txoj kev txiav txim siab.

Yog tug tswv zog ho thov kom koj hu xov tooj rov tuaj los sis rov qab tuaj xam phaj lwm zaug ntxiv, sau cia rau ib daim ntawv txog lub sij hawm, hnub thiab qhov chaw.

Ua tug tswv zog tsaug rau txoj kev xam phaj thiab rov qhia txog koj txoj kev xav ua thiab kev txawj ntawm txoj hauj lwm.

Yog xav paub txog tej xov xwm no ntxiv, ho xyuas tau ntawm “Keys to Successful Interviewing” (Cov Yuam Sij rau Txoj Kev Xam Phaj Kom Muaj Yeej) (DETJ-6951-P), thiab “Questions Questions Questions” (Lus Nug, Lus Nug, Lus Nug) (DETJ-9406-P). Cov ntawv luam tawm no yog muaj thoob plaws nyob rau hauv txhua lub chaw ntawm Wisconsin Job Center.

Qhia txog koj tug kheej

Nco ntsoov hais tias cov zauv uas tau txais los no hais txog kev qhia txog koj tug kheej:

7% yog rau cov lus hais uas koj siv (hais lus)

38% yog qhia txog koj cov suab, pitch, suab loj suab yau, zauv (suab)

55% yog qhia txog koj tej ris tsho, siv qhov muag ntsia, kev siv tes taw co piav, lub cev sawv los zaum, yeeb yam qhia tawm ntawm lub ntsej muag, etc. (saib).