Cov Kev Siv Daws Teeb Meem

Nws tsis yog ib qhov phem uas tau ua yuam ke thaum zaum xub thawj; tshuav txhob pub kom qhov yuam kev ntawd rub kom koj tsis muaj cuab kav ua tau mus raws li koj lub hom phiaj. Sim ua, sim ua, thiab sim ua ntxiv!

Qhia kom tau yam teeb meem

Kom paub tseeb qhia los sis hais tau tias dab tsi yog qhov rub kom koj ho ua tau qeeb ntawm txoj kev ua koj lub hom phiaj kom tiav. Txob lam muab lwm yam uas tsuas yog cov txuam rau hauv lub teeb meem ua lub hauv paus teeb meem tiag-tiag.

Tig rov xyuas txhua yam kev siv uas koj yuav muaj tau / lwm txoj kev

Xyuas txhua yam khoom uas koj yuav muaj cuab kav ua kom tshem qhov teeb meem tawm tau pov tseg thiab sau ib cov npe tag nrho txhua yam kev siv uas koj yuav muaj tau coj los siv ua kev daws qhov teeb meem.

Caws cov hom phiaj

Qhia kom tau hais tias dab tsi yog cov kev tagu uas koj xav ua kom tiav los sis yam twd thiaj yog yam uas yuav zoo rau koj thaum kawg.

Nrhiav kev tsim thiab kho rau koj lub hom phiaj

Xaiv, ib yam rau ib yam, cov khoom siv uas koj yuav muab coj mus sim ua thiab ho nrhiav kom tau tag nrho tej xov xwm uas tau hais txog cov khoom siv uas yuav pab kom koj muaj peev xwm muab tej yam tsis tshua tseem ceeb tshem tawm ces mam li xaiv.

Muab txoj kev los mus siv ua lub hom phiaj

Tam sim no koj twb tau txiav txim siab lawm hais tias tej yam khoom siv twd yuav pab tau rau koj zoo zaj plaws, nws yog ib lub sij hawm uas koj yuav tsum coj los mus siv ua kom tau koj lub hom phiaj. Cov hom phiaj los sis cov kev ua yuav tsis muaj nqis li yog hais tias koj tsis tau ua thiab tsis muaj kev saib xyuas mus kom kawg ntawm lub hom phiaj uas koj tau tsim kho ntawd. Qhov no yog lub sij hawm sim ua thiab kuj ho yog qhov uas yuav paub tau hais tias pos yog koj twb xaiv tau yam khoom siv ua zoo tshaj plaws ntawm koj cov khoom.

Saib xyuas txog yam tau los

Muaj tseeb hais tias, qee yam ntawm cov tau los kuj yuav pom tau kiag tam sim ces kev saib xyuas kuj yog yooj yim. Koj yuav muaj peev xwm pom tau hais tias koj txoj kev txiav txim yog lawm vim hais tias koj tab tom pib yuav ua tiav koj lub hom phiaj. Txawm li cas los xij, yog hais tias koj ho tsis txaus siab rau tej yam uas tau los/khoom siv uas koj tau xaiv tom qab ib lub sij hawm, ces ho rov pib ua dua thiab ho xaiv lwm txoj kev uas yog siv tib txoj kev taug tib yam li txoj kev taug ua ntej.

Txhob ntshai yuav ua tsis yog

Koj twb ua tsis yog los ntau zaug lawm, tej npam koj yuav tsis hnov qab lawm.

Koj tau ntog zaum xub thawj uas koj sim taug kev.
Koj yuav luag tog dej zaum xub thawj koj sim ua luam dej, pos yog koj ua li ntawd?
Koj ntaus pos raug lub pob zaum xub thawj uas koj fiav tug pas?
Cov neeg ntaus raug heev, cov neeg uas ntaus raug qhov home runs tshaj plaws, kuj yuav raug ncaws tawm ntau tshaj plaws thiab.
Macy ua luam poob xya zaug ua ntej nws lub khw lag luam nyob pem New York yuav sawv tau.
John Creasey yog ib tug neeg sau ntawv novelist haiv neeg As Kiv tau raug kev tsis txais 753 zaug ua ntej nws yuav sau ntawv luam tawm 564 phau ntawv.
Babe Ruth raug ncaws tawm 1,330 zaug, tab sis nws kuj ho ntaus raug “714 home runs”.

Txhob txhawj txog txoj kev ua tsis tau. Txhawj txog cov hmoov uas koj tsis muaj peev xwm tau ua vim hais tias koj tsis tau muab coj los sim ua.

Nco ntsoov hais tias, tug tsov ntxhua raws kauv 10 zaug ua ntej nws yuav tau nws pluas hmo noj.