Kev Sib Tham Tim Ntsej Tim Muag Muab Lus Qhia

Ib qho uas zoo tshaj txog kev sau cov lus qhia txog seb muaj dab tsi hauv ib txoj hauj lwm los sis ib lub lag luam yog nrog cov neeg ua hauj lwm hauv tham. Qhov no yog hu ua Kev Sib Tham Tim Ntsej Tim Muag Muab Lus Qhia los sis Tshawb Nrhiav.

Ib qho kev sib tham tim ntsej tim muag muab lus qhia yog ib qho kev sib tham uas koj yog tus pib — koj hais cov lus nug. Lub hom phiaj yog kom tau cov lus qhia, tsis yog tau txoj hauj lwm.

Ib co kev zoo uas yuav tau ua ib qho kev sib tham tim ntsej tim muag muab lus qhia yog:

los xyuas cov hauj lwm thiab kom paub meej txog koj lub hom phiaj ntawm kev ua hauj lwm
los paub txog cov hauj lwm uas tsis tshaj tawm
los txuas ntxiv rau cov neeg txawj ntse uas sib paub
los ua kom muaj peev xwm thaum koj mus sib tham tim ntsej tim muag
los tau cov lus qhia txog txoj haum lwm niaj hnub no
los ua komk paub txog qhov uas koj txawj thiab tsis txawj.

Hauv qab yog 6 theem ua ib qho kev sib tham tim ntsej tim muag muab lus qhia.

Theem 1
Paub txog txoj hauj lwm los sis qhov lag luam uas koj xav kawm txog

Soj ntsuam koj txoj kev nyiam, peev xwm, kev muaj nqis thiab cov txuj ci, thiab soj ntsuam txoj kev ua hauj lwm thiab seb neeg nyiam mus ua dab tsi lawm es thiaj li paub seb yuav tshawb nrhiav hom dab tsi.

Theem 2
Npaj rau qhov kev sib tham tim ntsej tim muag

Nyeem kom ntau li ntau tau txog txoj hauj lwm uas ntej muaj qhov kev sib tham tim ntsej tim muag. Xav seb koj yuav xav paub dab tsi txog txoj hauj lwm. Npaj ib co lus nug uas koj xav kom nws teb.

Theem 3
Xyuas seb cov neeg uas yuav tham tim ntsej tim muag nrog ntawv yog leej twg

Pib cov neeg uas koj twb paub lawm — phooj ywg, txheeb ze, cov neeg kawm ntawv ua ke nrog, cov neeg ua hauj lwm nrog tam sim no los sis yav dahu los, cov neeg saib xyuas, cov neeg nyob ib ncig, thiab txuas mus. Cov koom haum uas muaj cov neeg txawj, Phau Ntawv Xov Tooj Daj, koom haum cov phau ntawv xov tooj, thiab cov neeg uas hais lus rau ib pawg neeg sab nrauv yog ib co uas yuav pab tau thiab. Tej zaum koj yuav xa hu rau ib lub koom haum thiab nug tus neeg raws lub npe ntawm txoj hauj lwm.

Theem 4
Npaj qhov kev sib tham tim ntsej tim muag

Hu tus neeg uas teem ib lub sij hawm mus sib tham tim ntsej tim muag:

hauv xov tooj
sau ib daim ntawv uas hu xov tooj lawv qab, los sis
kom ib tug neeg uas twb paub tus neeg ntawv teem ib lub sij hawm rau koj.

Theem 5
Ua kom kev sib tham tim ntsej tim muag

Hnav khaub ncaws kom zoo, tuaj kom ncav sij hawm, hais lus zoo thiab ua kom yog li neeg txawj ntse. Rov qab mus xyuas koj daim ntawv uas npaj cov lus nug; nyob raws seem, tiam sis muab sij hawm los tham txuas mus thiab. Ua ntej yuav mus, nug tus neeg kom muab ib co npe ntawm lwm tus neeg uas tej zaum yuav pab tau koj thiab nug kom tau kev tso cai los siv nws lub npe thaum uas hu tus neeg ntawv.

Theem 6
Soj nug lawv qab

Tom qab qhov kev sib tham tim ntsej tim muag, sau cov lus qhia uas tau ntawv. Nco ntsoov xa ib daim ntawv ua tsaus luv luv mus rau tus neeg ntawv li ntawm ib plua (week) tom qab sib tham tim ntsej tim muag tas.

Thov cim: Nco ntsoov soj ntsuam cov lus qhia uas koj tau ntawv. Kho koj txoj kev nrhiav hauj lwm, daim ntawv sau txog cov hauj lwm yus ua dhau los, thiab lub hom phiaj ntawm txoj hauj lwm yog tias tsim nyog.

20 Nqe Lus Nug

Npaj ib daim ntawv uas muaj koj cov lus nug rau koj qhov kev sib tham tim ntsej tim muag muab lus qhia. Nram qab no yog ib co lus nug ua piv txwv:

Ib hnub uas zoo li txhua hnub ntawm txoj hauj lwm no, koj ua dab tsi?
Yuav tsum tau muaj kev xyaum los sis kev kawm dab tsi rau hom hauj lwm no?
Tej yam ntawm tus kheej los sis cov peev xwm uas tseem ceeb rau kev yuav muaj yeej ntawm txoj hauj lwm no yog dab tsi?
Dab tsi ntawm txoj hauj lwm no yog qhov uas koj pom tau tias txaus siab tshaj? Qhov uas nyuaj tshaj?
Koj tau koj txoj hauj lwm li cas?
Cov sij hawm rau kev nce qib hauv txoj hauj lwm no yog dab tsi?
Cov hauj uas pib qis qis twg yog cov uas zoo tshaj hais txog kev kawm kom ntau li ntau tau?
Cov nyiaj xyoo rau cov seem hauv txoj hauj lwm no yog dab tsi?
Koj puas pom tias cov hauj lwm no yuav hloov yav pem suab?
Puas xav tau neeg ntau hauv txoj hauj lwm no?
Cov tswv yim tshwj xeeb uas koj yuav muab rau ib tug neeg uas nkag rau hom hauj lwm no yog dab tsi?
Muaj kev xyaum dab tsi uas cov chaw ua hauj lwm muaj rau cov neeg uas nkag mus rau cov hauj lwm no?
Cov kev uas yuav tsum paub ua ntej rau txoj hauj lwm no yog dab tsi?
Cov ntawv rau cov neeg txawj ntse thiab cov koom haum uas yuav pab kuv kawm txog hom hauj lwm no yog dab tsi?
Koj xav li cas txog qhov uas kuv paub lawm hais txog qhov uas yuav nkag rau txoj hauj lwm no?
Nyob li ntawm koj xav, cov teeb meem uas koj pom nyob rau hauv txoj hauj lwm no yog dab tsi?
Yog tias koj rov qab ua tau tag nrho dua, koj puas yuav xaiv tib txoj kev qub rau koj tus kheej? Yog vim li cas? Koj yuav hloov dab tsi?
Nrog rau cov lus qhia uas koj paub txog kuv txoj kev kawm, cov txuj ci thiab kev ua dhau los, cov hauj lwm twg ntxiv uas koj xav kom kuv tshawb nrhiav ntxiv ua ntej kuv yuav txiav txim siab zaum kawg?
Koj xav li cas txog kuv daim ntawv sau txog cov hauj lwm yus ua dhau los? Koj puas pom tias muaj teeb meem qhov twg? Koj xav tias kuv yuav tau kho li cas?
Koj paub leej twg uas kuv yuav tau nrog tham ntxiv? Thaum uas kuv hu nws, kuv siv puas tau koj lub npe?

Lwm cov lus qhia uas yuav pab tau

Kawm kom ntau li ntau tau txog qhov chaw ua hauj lwm, cov nyiaj xyoo thiab cov kev pab. Cov phooj ywg, cov neeg nyob ib ncig, thiab cov txheeb ze uas ua hauj lwm rau qhov chaw ua hauj lwm yog ib qho uas zoo hais txog muab lus qhia. Cov chaw nqiv ntawv, Chambers of Commerce uas nyob ib ncig, thiab koj lub xeev Wisconsin Chaw Nrhiav Hauj Lwm yuav yog ib qho uas yuav pab tau thiab.
Kawm txhua yam li koj kawm tau txog txoj hauj lwm thiab seb koj cov kev uas ua dhau los thiab cov kev xyaum puas ua rau kom koj tsim nyog rau txoj hauj lwm.