Cov Lus Nug Cov Lus Nug Cov Lus Nug

... uas tej zaum yuav nug thaum mus sib tham tim ntsej tim muag

Feem ntau cov kev txiav txim txais neeg yog ua thaum mus sib tham tim ntsej tim muag thawj zaug. Seb koj yuav ua tau zoo npaum li cas hauv ib qho kev sib tham tim ntsej tim muag yuav yog ib qho tseem ceeb npaum li qhov uas koj ua yav dhau los thiab cov txuj ci ntawm txoj hauj lwm, li no nws yuav yog ib qho zoo uas yuav tau npaj kom txaus.

Cov lus qhia ntawm no yog ib co lus nug dav dav txog koj tus kheej. Xyaum teb cov lus nug uas tej zaum yuav nug thaum mus sib tham tim ntsej tim muag nrog ib tug phooj ywg los sis ib tug txheeb ze.

Ib txoj hauj lwm yuav muab ib lub sij hawm rau koj los qhia txog koj cov kev tsim nyog rau ib tug tswv hauj lwm. Ua ib feem ntawm kev npaj, koj yuav tsum kawm txog lub koom haum. Muaj ib txoj hauj lwm los sis cov hauj lwm nyob rau saum hlwb, thiab soj ntsuam koj cov kev tsim nyog rau txoj hauj lwm.

Cov Lus Nug Dav Dav

Qhia rau kuv txog koj tus kheej.
Koj xav ua dab tsi tiag hauv lub neej?
Yog vim li cas koj ho xaiv txoj hauj lwm zoo li no ua?
Qhov uas koj txawj tshaj yog dab tsi? Qhov uas tsis txawj yog dab tsi?
Yog vim li cas kuv yuav tsum tau txais koj?
Koj muaj cov kev tsim nyog dab tsim uas ua rau koj xav tias koj yuav ua tau txoj hauj lwm no yam muaj yeej?
Koj xav tias kev muaj yeej yog dab tsi thiab yuav soj ntsuam zoo li cas?
Koj xav tias koj yuav ua tau/muab tau dab tsi rau qhov chaw ua hauj lwm ntawm no?
Ib tug neeg ua hauj lwm muaj yeej yuav tsum muaj dab tsi?
Koj xav tau dab tsi los ntawm ib tug neeg saib xyuas?
Ob los sis peb qhov kev ua tau yam twg yog qhov uas ua rau koj txaus siab tshaj?
Nyob rau hauv qhov kev ua hauj lwm li cas uas koj yuav xis tshaj?
Koj ua hauj lwm li cas thaum uas muaj kev nyuab siab?
Yog vim li cas koj ho xav ua hauj lwm ntawm no?
Koj paub dab tsi txog peb qhov chaw ua hauj lwm?
Koj siv dab tsi los soj ntsuam qhov chaw ua hauj lwm uas koj xav uas hauj lwm nrog?
Koj puas muaj ib cheeb tsam uas koj xav ua rau tshaj? Yog vim li cas?
Koj xav li cas txog qhov uas yuav tau hloov chaw?
Cov kev txiav txim twg yog cov uas yooj yim/nyuaj rau koj txiav txim?
Qhia txog koj tus kheej uas siv 5 lo lus.
Cov thawj coj sais xyuas/cov kws qhia ntawv yav dhau los yauv hais li cas txog koj?
Koj xav tias koj cov phooj ywj yuav qhia tau li cas txog koj?
Koj xav kom tau nyiaj xyoo npaum li cas?
Koj ncua hauj lwm/tsev kawm ntav pes tsawg hnub tsaib no? Koj lig pes tsawg zaus? Yog vim li cas?
Koj xav tias txoj hauj lwm no muaj dab tsi txuam rau hauv?
Thawj qhov uas koj yuav yog koj tau txoj hauj lwm no yog dab tsi?
Yog tias txais koj ua hauj lwm, yuav siv sij hawm ntev npaum li cas es koj thiaj li yuav ua tau zoo siv nyog?
Koj puas muaj lus nug uas koj xav nug?
Koj yuav qhia txog koj txoj hauj lwm uas uas koj xav tias zoo li cas?
Peb tag nrho yeej muaj tej yam uas peb yuav tau kho kom tau zoo. Koj xav tias koj yuav tau kho qhov twg es thiaj li yuav ua tau kom koj ua tau hauj lwm zoo?
Yog vim li cas koj xav tias koj tsim nyog dual wm cov neeg uas kuv tau tham nrog?
Koj xav li cas thov tej yam uas yuav kom koj ua?
Koj puas muaj tsheb uas koj yuav vam tau?
Koj puas (muaj tswv yim, hloov tau mus los yooj yim, pib ntawm tus kheej, tso khoom kom nyob muaj chaws, txuas mus)? Muab ib qho ua piv txwv.
Tej yam ntawm tus kheej uas koj ntseeg tau hais tias yuav tsum muaj thiaj li muaj yeej hauv txoj kev ua hauj lwm no yog dab tsi?
Tus twg, koj niam los sis koj txiv, uas yog tus muaj hwj chim rau koj tshaj? Piav me ntsis.
Hom hauj lwm no hloov tas li. Koj tau yoog kev hloov li cas yav tas los?
Koj tau ua dab tsi rau koj tus kheej hais txog kev nthuav dav ntawm kev txawj ntse ob peb xyoos dhau los?
Koj ua dab tsi kom koj yog ib tug neeg txawj ntse li tam sim no?
Txoj hauj lwm yuav tsum muaj ib tug neeg uas ncaj ncees, vam tau thiab yuav ntseeg tau. Qhia ua pov thawj rau kuv tias koj muaj tag nrho peb qho no.
Koj npaj thiab sib sau tej yam hauj lwm loj loj li cas?
Qhov rewards uas tseem ceeb tshaj uas koj xav tau hauv koj txoj kev ua hauj lwm yog dab tsi?
Qhov twg yog qhov uas tseem ceeb rau koj: Hom hauj lwm koj ua los sis qhov nyiaj uas koj tau rau qhov uas txoj hauj lwm?
Dab tsi yog qhov uas rau kom koj siv zog ua kom tau zoo tshaj?
Koj tau kawm dab tsi los ntawm cov kev uas koj ua txhaum?
Koj sib raug zoo nrog lwm tus li cas?
Koj nyiam ua dab tsi thaum uas koj tsis muaj dab tsi ua? Koj puas muaj tej yam uas koj nyiam ua tas li?
Koj xum ua hauj lwm ib leeg los sis nrog lwm tus? Yog vim li cas?
Koj xav tias koj yog ib tug thawj coj los sis ib tug neeg pab hauv pab pawg?
Hom neeg dab tsi uas koj pom tias yooj yim/nyuaj uas hauj lwm nrog?
Koj nyiam hom ntau, cov ntawv saib, yeeb yaj duab zoo li cas?
Phau ntawv uas koj nyuam qhuav nyeem tas tsis ntev no yog dab tsi? Nws twb ntev npaum li cas los lawm?
Koj muaj peev xwm pib npaum li cas?
Koj ua dab tsim kom muaj kev lom zem?
Tsev neeg muaj feem li cas hauv koj lub neej?
Qhia txog koj cov phooj ywg uas zoo tshaj.
Yuav siv zog npaum li cas los nkag siab txog cov neeg uas txawv koj los sis tsis muaj cov kev nyiam li koj?
Kuv xav paub seb koj tswj koj lub sij hawm zoo li cas. Qhia txog tus qauv uas koj siv los tswj koj lub sij hawm thiab xyuas seb qhov twg yog qhov uas yuav tau ua ua ntej.
Muaj dab tsi ua rau koj txawv dua lwm tus neeg?
Koj koom hauv cov pawg neeg txawj los sis cov koom haum hauv zej zos twg?
Qhia txog koj tus xeeb ceem.
Qhia rau kuv txog ib lub sij hawm uas koj yuav tau siv kev mloog kom zoo thiab cov txuj ci txog kev txuas lus los daws ib qho teeb meem.
Muab ib qho piv txwv thaum uas koj siv koj cov txuj ci txog kev tshawb nrhiav yam muaj tseeb los sau cov lus qhia los daws ib qho teeb meem, ces qhia seb koj soj ntsuam cov lus qhia no li cas es thiaj li los txog rau qhov uas txiav txim ntawv.
Qhia ib lub sij hawm uas koj muaj hwj chim zoo rau lwm tus neeg.
Muab ib qho piv txwv txog ib lub sij hawm thaum uas koj tau ua ntau tshaj qhov uas yuav tau ua kom ib txoj hauj lwm tiav.

Cov nqe lus nug txog kev kawm ntawv

Koj puas npaj mus kawm ntawv ntxiv? Mus kawm km tau ib daim ntawv pov thawj qib siab?
Koj nyiam dab tsi/tsis nyiam dab tsi txog kev kawm ntawv?
Koj twb tsis tau koj daim pov thawj. Yog vim li cas?
Qhia txog koj txoj kev kawm ntawv.
Qhia txog koj qhov kev kawm ntawv uas ua rau koj txaus siab tshaj plaws.
Koj nyiam kawm dab tsi tom tsev kawm ntawv tshaj? Yog vim li cas?
Koj tsis nyiam kawm dab tsi tom tsev kawm ntawv tshaj? Yog vim li cas?
Cov kev ua si twg tom tsev kawm ntawv yog cov uas koj koom nrog? Koj kawm tau dab tsi los ntawm koj qhov kev koom?
Koj kawm ntawv tau zoo li cas hauv tsev kawm ntawv? Koj puas xav tias cov paj xyeem uas koj tau qhia tau zoo tias seb koj ua tau dab tsi? Yog vim li cas?
Dab tsi ua rau koj xaiv qhov uas koj kawm? Koj lub tsev kawm ntawv qib siab?
Koj them koj cov nqi ntawv li cas?
Koj siv koj lub caij so li cas thaum uas koj tseem kawm ntawv?
Koj puas xav tias koj qhov kev kawm tsim nyog? Yog vim li cas?

Cov nqe lus nug txog kev ua hauj lwm yav tas los, ua hauj lwm tam sim no

Muab ib co kev piv txwv txog ib qho teeb meem uas koj muaj tom hauj lwm thiab koj ua nrog qhov ntawv li cas.
Koj tsis tau ua hauj lwm los lawm ntev. Koj ua dab tsi thaum uas koj tsis ua hauj lwm?
Koj siv tau hom tshuab, twj, los sis khoom dab tsi?
Yog vim li cas koj ho tawm koj txoj hauj lwm yav tas los no?
Koj nyiam/tsis nyiam dab tsi txog koj cov hauj lwm yav tas?
Yog vim li cas koj ho xav hloov hauj lwm?
Koj puas tau raug ncaws tawm li? Yog vim li cas?
Yog vim li cas koj ho hloov hauj lwm heev ua luaj?
Muab ib qho piv txwm thaum uas koj tus tswv hauj lwm txoj cai tsis zoo li koj txoj. Koj ua nrog qhov teeb meem ntawv li cas?
Koj nyiam dab tsi txog koj tus thawj coj? Tsis nyiam dab tsi?
Koj thiab koj tus thawj coj tsis pom zoo txog dab tsi?
Txoj hauj lwm no tsis muaj thiv meem thiab them tsawg dua koj txoj hauj lwm tsis ntev tas los no. Yog vim li cas koj ho xav tau txoj hauj lwm no?
Koj daim ntawv thov hauj lwm hais tias koj tau raug so hauj lwm vim tsis muaj hauj lwm ntxiv lawm. Yog tias koj tus tswv hauj lwm qub hu koj rov qab, koj yuav ua li cas?
Qhia kuv seb ib hnub ua hauj lwm tom qhov chaw ua hauj lwm koj ua zaum kawg no zoo li cas.
Koj kawm tau dab tsi los ntawm cov hauj lwm uas koj tau ua dhau los?
Koj puas yuav muaj qhov uas tsis kam yog tias peb hu rau koj cov tswv hauj lwm es nug txog koj?
Qhia rau kuv txog cov nyiaj nce los ntawm kev ua hauj lwm tau zoo, cov kev nce qib, nyiaj pub los sis cov hauj lwm tshwj xeeb uas tau muab rau koj.
Koj tau ua tej yam dab tsi uas tsis yog nyob ntawm txoj hauj lwm uas niaj hnub ua uas koj cia li muaj thiv meem rau?
Koj puas tau ua hom hauj lwm no dua li? Qhia me ntsis.
Qhia seb koj txoj hauj lwm muaj feem li cas rau tag nrho cov hom phiaj ntawm koj lub caj meem fai thiab koj qhov chaw ua hauj lwm.
Dab tsi ntawm txoj hauj lwm yog qhov uas koj xav tias yog ib qho uas yuav tsum tau ua ua ntej?
Qhia rau kuv txog lub sij hawm kawg uas koj npau tawm tom hauj lwm.
Qhia rau kuv seb koj nce qib hauv lub koom haum li cas.
Qhia txog ib qho kev qhia tawm/kev sau ntawv qhia/daim ntawv txawv uas koj yuav tsum tau ua kom tiav.

Cov nqe lus nug txog kev tswj thiab kev saib xyuas

Koj qhov kev ntseeg txog kev tswj yog dab tsi? Hom dab tsi?
Qhia kuv txoj kev uas koj siv los txais neeg ua hauj lwm. Koj puas tau muaj tej yam uas ua rau koj ceeb los sis tsis txaus siab thaum uas txais neeg ua hauj lwm? Qhia me ntsis.
Koj tau pom kev nthuav loj los sis kev txo neeg ua hauj lwm li cas los lawm?
Koj tau ncaws tawm pes tsawg tus neeg ua hauj lwm lawm? Yog vim li cas? Muab ib qho ua piv txwv seb koj ncaws ib tug neeg ua hauj lwm tawm li cas.
Koj cov neeg ua hauj lwm yuav hais li cas txog koj?
Koj puas saib xyuas koj cov neeg ua hauj lwm ruaj ruaj los sis tso dav dav? Yog vim li cas?
Koj xav li cas txog txoj cai uas qhib qhov rooj?
Tshab txhais Kev Tswj Tag Nrho Yam Zoo (Total Quality Management).
Koj xav tias dab tsi yog qhov uas ua rau koj muaj yeej ua ib tug neeg saib xyuas/tus neeg tswj?
Koj xav tias yuav muaj dab tsi los cuam tshuam qhov uas koj ua tau zoo yam uas yog ib tug neeg saibxyuas/tus neeg tswj?
Koj xav tias koj ua ib tug neeg saib xyuas/tus neeg tswj zoo zog li cas ob peb xyoos tas los?
Koj yuav ua li cas kom cov neeg ua hauj lwm nquag?
Tshab txhais kev tswj uas koom teb. Qhia txog cov kev ua dhau los uas koj muaj uas siv qhov kev tswj no.
Tshab txhais ib tug neeg ua hauj lwm uas nyuaj. Koj ua nrog ib tug neeg ua hauj lwm no li cas? Muab ib qho piv txwv rau kuv.

Cov nqe lus nug txog lub hom phiaj

Koj cov hom phiaj hais txog kev ua hauj lwm uas luv thiab ntev yog dab tsi? Thaum twg thiab yog vim li cas koj ho muaj cov hom phiaj no? Koj npaj yuav ua kom tau cov hom phiaj no li cas?
Koj pom koj tus kheej ua dab tsi 2 xyoos tom ntej no? 5 xyoos? 10 xyoo? 25 xyoos?
Koj xav tias koj qhov nyiaj xyoo yuav yog pes tsawg 5 xyoos tom ntej no?
Koj yuav npaj ua hauj lwm mus hov ntev?
Koj yuav npaj ua hauj lwm ntawm no hov ntev?
Koj muaj cov hom phiaj dab tsi, uas tsis muaj feem nrog rau koj txoj hauj lwm, uas koj tau tsim rau koj tus kheej?

Ib co lus nug uas tej zaum koj yuav Xav nug thaum mus sib tham txog hauj lwm tim ntsej tim muag

Ua li cas rau tus neeg uas ua txoj hauj lwm no zaum kawg?
Cov kev txawj los sis peev xwm uas tus neeg yog rau txoj hauj lwm no yuav tsum tau muaj yog dab tsi?
Koj xav tias cov dej num ntawm txoj hauj lwm no yog dab tsi?
Muaj pes tsawg tus neeg tau ua txoj hauj lwm no 2 xyoos tas los?
Kuv yuav siv cov twj, cov tshuab, cov khoom zoo li cas?
Puas muaj dab tsi uas kuv yuav ua tau los sis kawm tau ua ntej txog txoj hauj lwm no?
Kuv yuav ua hauj lwm tsawg teev txog tsawg teev yog tias txais kuv?
Qhov nyiaj uas them rau txoj hauj lwm no yog kwv yees li cas?
Puas muaj kev xyaum? Yog muaj, muaj hom kev pab dab tsi?
Kuv yuav ua hauj lwm ib leeg los sis nrog lwm tus neeg?
Kuv yuav qhia rau leej twg … ncaj qha thiab tsis ncaj qha?
Qhov uas yuav nce qib hauv qhov chaw ua hauj lwm no yog pes tsawg?
Qhov teeb meem uas nyuab tshaj uas koj xav tias tej zaum kuv yuav ntsib nrog qhov chaw ua hauj lwm no yog dab tsi?
Cov dej num thiab thiv meem ntawm txoj hauj lwm no yog dab tsi?
Koj qhov chaw ua hauj lwm yuav npaj loj hlob / nthuav dav li cas li ob peb xyoos tom ntej no?
Kuv mus saib puas tau qhov chaw uas kuv yuav ua hauj lwm?
Kuv nrog ib los sis ob tug neeg ua hauj lwm tham puas tau?
Yog vim li cas qhov chaw ua hauj lwm no yog ib qho chaw zoo ua hauj lwm?
Koj puas muaj tej ntaub ntawv qhia txog qhov chaw ua hauj lwm no uas kuv yuav nqa tau nrog kuv mus?
Puas muaj ib lub sij hawm uas los soj ntsuam kuv?
Yuav soj ntsuam qhov uas kuv ua hauj lwm li cas?
Koj yuav qhia tau rau kuv li cas txog cov khoom tshiab/cov kev pab tshiab uas qhov chaw ua hauj lwm no yuav npaj tshaj tawm?
Qhov chaw ua hauj lwm qhov chaw nyob hauv qhov lag luam no yog li cas?
Cov kev nyuaj ntawm qhov chaw ua hauj lwm/ lub caj meem fai ntsib yog dab tsi?
Qhia ib hnub ua hauj lwm zoo li cas.
Txoj hauj lwm dhos li cas hauv tus qauv coj hauv qhov chaw ua hauj lwm no?
Koj yuav piav tau li qab hais txog qhov chaw ua hauj lwm ntawm koj qhov chaw ua hauj lwm no?
Koj qhov chaw ua hauj lwm puas txhawb kom koom tes nrog tej yam hauv zej zos?
Tej yam uas koj xav tias yuav ua tau kom zoo zog los ntawm tus neeg uas koj txais yog dab tsi?
Yog vim li cas koj ho mus nrhiav neeg sab nrauv rau txoj hauj lwm no?
Txoj hauj lwm no puas yog ib txoj tshiab?
Koj yuav hais tau li cas txog koj hom kev ua thawj coj?
Koj qhia puas tau seb txoj hauj lwm no muaj feem li cas rau tag nrho cov hom phiaj ntawm lub caj meem fai thiab qhov chaw ua hauj lwm?
Ib co hom phiaj tseem ceeb uas koj xav pom kom ua tau ntawm txoj hauj lwm no yog dab tsi.

Ib co nqe lus nug ntxiv uas yuav tau xav txog

Tej zaum yuav nug koj txog koj lub neej los sis kev kaj huv ntawm cev uas tsis muaj feem rau txoj hauj lwm. Yog tias koj ntseeg tias koj tsis tau txoj hauj lwm vim tias koj teb cov lus nug no, tej zaum koj yuav xav hu rau Lub Caj Meem Fai Saib Xyuas Chaw Ua Hauj Lwm (Department of Workforce Development), Pawg Saib Xyuas Cov Cai Uas Muaj Vaj Huam Sib Luag (Equal Rights Division), hauv nroog Madison ntawm 608/266-6860, los sis Milwaukee ntawm 414/227-4384.

Koj muaj txij nkawm, sib nrauj, sib cais, los sis tsis tau muaj txij nkawm?
Koj muaj tsawg xyoo?
Koj qhov kev kaj huv ntawm cev zoo li cas?
Koj puas mus tom tsev teev ntuj tas li?
Qhia rau kuv txog koj cov nuj nqis.
Koj ntiav tsev nyob los sis koj yuav tsev lawm?
Koj nyob rau pawg ntseeg, fai kum xeeb, los sis lub koom haum twg?
Koj puas siv kev caiv kom txhob muaj menyuam?
Koj puas npaj muaj menyuam ntxiv?
Koj puas tau raug ntes li? Yog vim li cas?
Koj nyhav pes tsawg?
Koj siab npaum li cas?
Koj tus txij nkawm ua hauj lwm dab tsi? Koj niam koj txiv ne? Piav qhia.
Koj twg npaj tau dab tsi txog kev zov menyuam? Koj puas muaj ib tug hloov hais txog kev zov menyuam? Koj puas taut sis mus hauj lwm vim koj cov menyuam? Piav qhia.
Koj puas tau muaj ib tug mob loj los sis raug mob loj? Piav qhia.
Puas muaj tej yam ntawm tus kheej, tsev neeg, los sis tej yam mob uas yuav txwv koj txoj kev ua txoj hauj lwm no? Piav qhia.

Ib lo lus rau cov tswv hauj lwm

Cov lus qhia no yog siv los pab cov neeg nrhiav hauj lwm npaj rau thaum mus sib tham tim ntsej tim muag. Nws tsis yog kom cov tswv hauj lwm siv thaum npaj cov nqe lus nug.

Cov tswv hauj lwm muaj thiv meem los nug cov nqe lus uas yuav qhia tau txog tus neeg lub peev xwm los ua txoj hauj lwm. Cov kev piv txwv ntawm no tej zaum yuav tsis yog qhov uas zoo tshaj los sis cov nqe lus yuav zoo nug.

Cov nqe lus nug uas zoo tshaj yog nyob ntawm txoj hauj lwm. Cov tswv hauj lwm tej zaum yuav xav soj ntsuam, “Zam Cov Nqe Lus Nug Ntau Ntau Thaum Mus Sib Tham Tim Ntsej Tim Muag” (ERD-4825-P), tsim los ntawm Pawg Saib Xyuas Cov Cai Uas Muaj Vaj Huam Sib Luag (Equal Rights Division), Lub Caj Meem Fai Saib Xyuas Chaw Ua Hauj Lwm (Department of Workforce Development).