Cov Yuam Sij Rau Kev Sib Tham Tim Ntsej Tim Muag Uas Muaj Yeej

los pab koj qhib lub qhov rooj hauv koj txoj kev nrhiav hauj lwm

COV SOB TEEM
Hom Phiaj thiab Kev Npaj	Kev Mus Sib Tham Tim Ntsej Tim Muag Cov Ua thiab Tsis Ua
Qhia Tawm Koj Cov Peev Xwm	Yog Vim Li Cas Kuv Ho Tsis Tau Txoj Hauj Lwm
Npaj Teb Cov Lus Nug	Kawm Ntxiv
Muaj Yeej Thaum Uas Koj Soj Qab	Daim Ntawv Teev Txog Kev Sib Tham Tim Ntsej Tim Muag

Ib qho kev sib tham tim ntsej tim muaj yuav muab ib lub sij hawm rau koj qhia txog koj cov kev tsim nyog rau ib tug tswv hauj lwm, li no yuav tau npaj kom zoo.

Tus tswv hauj lwm yuav xyuas seb koj yuav pab tau qhov chaw ua hauj lwm li cas: koj cov txuj ci, koj cov kev txawj, koj txoj kev paub, koj lub zog.

Yuav kom sib tham tim ntsej tim muag yam uas mus tau zoo, koj yuav tsum hais lus kom zoo uas siv koj cov lus, lub suab, thiab tus yeeb yam kom zoo. Tus tswv hauj lwm yuav tau koj cov lus yam tias tso siab tau rau, muaj tsoom thawj, ntseeg siab tau, muaj kev txawj ntse, muaj kev ua dhau los lawm thiab muaj kev kawm tsim nyog rau txoj hauj lwm.

Cov lus qhia hauv daim ntawv no muaj ib co tswv yim uas yuav pab tau kom qhov kev sib tham tim ntsej tim muag ntawv mus tau zoo.

Xav tias “kev tws” hauv kev nrhiav hauj lwm los? Muaj ntau yam uas yuav ua tau kom txoj kev nrhiav hauj lwm mus tau zoo– tshawb nrhiav, sau daim ntawv qhia txog tus kheej, sau daim ntawv nrhiav hauj lwm, kev sib tham tim ntsej tim muag thiab soj qab. Qhov kev sib tham tim ntsej tim muag txog txoj hauj lwm muab koj tso rau ib qho chaw uas koj yuav tau qhia tawm koj cov peev xwm. Qhib lub qhov rooj rau txoj kev sib tham tim ntsej tim muag uas mus tau zoo los ntawm cov tswv yim nram qab no:

Nrhiav Hom Phiaj thiab npaj kom zoo
Qhia tawm koj cov peev xwm kom meej
Npaj teb cov lus nug
Muaj yeej thaum uas koj soj qab

Hom Phiaj thiab Kev Npaj

Kawm txog qhov chaw ua hauj lwm los sis lub koom haum uas yuav nrog koj tham tim ntsej tim muag. Tus tswv hauj lwm yuav zoo siab tias koj siv sij hawm los tshawb nrhiav txog qhov chaw ua hauj lwm. Nws tseem txuag tau tus neeg nug ntawv lub sij hawm los qhia txog qhov chaw ua hauj lwm li keeb kwm.

Nrhiav kom tau tag tej yam hais txog qhov chaw ua hauj lwm. Nws ua khoom dab tsi los sis nws ua dab tsi? Nws twb ua tau lag luam hov ntev lawm? Cov neeg uas siv cov kev pab los sis cov khoom yog leej twg? Nws nyob tus yees npaum Ii cas? Lawv nrhiav cov neeg ua hauj lwm zoo li cas?

Cov lus teb rau cov no thiab lwm cov lus nug muaj nyob hauv cov ntawv qhia txog qhov chaw ua hauj lwm, koj qhov chaw qiv ntawv (library), cov koom haum ua lag luam koom, cov ntawv xov xwm uas nyob ze, los sis cov neeg ua hauj lwm rau qhov chaw ua hauj lwm ntawv.

Qhov no tseem yog koj lub sij hawm los soj ntsuam qhov chaw ua hauj lwm qhov yuav ua tau los ua ib tug tswv hauj lwm. Thawj hnub los sis plua (week) tsis yog lub sij hawm los kawm txog tej yam tsis zoo ntawm qhov chaw ua hauj lwm uas yuav ua rau koj tsis zoo siab txog qhov uas koj xaiv.

Koj yuav tsum tshawb nrhiav ntxiv thiab, yog tias tau, tus neeg uas nrog koj tham. Ces hais lub npe tas zog rau koj tus kheej kom koj nco tau yooj yim thaum sib tham. Koj yuav tsum paub ua ntej, yog tias tau, seb tus neeg uas nrog koj tham ntawv puas yuav yog koj tus thawj, yog tias txais koj lawm.

Ib txoj kev uas yuav khaws tau tag nrho cov lus qhia no ua ke yog muab ib daim ntawv los sau ib qho chaw ua hauj lwm rau thiab txoj hauj lwm, sau hnub, sij hawm thiab qhov chaw uas yuav mus sib tham. Tom qab qhov no koj sau tau cov lus tshawb nrhiav uas koj paub txog qhov chaw ua hauj lwm, cov lus nug uas koj muaj txog qhov chaw ua hauj lwm, thiab txoj hauj lwm uas koj thov.

Xav txog koj tus kheej — seb koj yog hom neeg dab tsi, koj nyiam ua dab tsi heev tshaj, tej yam uas koj ua tau zoo (thiab tsis tau zoo), koj qhov kev xyaum yav dhau los thiab qhov kev kawm, qhov uas koj nyiam thiab tsis nyiam, thiab koj lub hom phiaj ntawm kev ua hauj lwm.

Npaj cov ntawv kom tiav kom koj npaj tau rau qhov kev sib tham tim ntsej tim muag. Xyuas kom muaj koj ib daim ntawv qhia txog koj (daim ntawv sau txog cov hauj lwm yus ua dhau los) thiab cov neeg uas paub koj. Xyuas kom koj npaj tau ib co lus nug tus tswv hauj lwm. Yog tias tau, nqa koj ib co ntawv uas koj ua mus ua piv txwv, daim ntawv qhia seb koj kawm tau ntawv zoo npaum li cas (school transcripts) los sis cov ntawv uas lwm cov neeg sau qhuas koj. Thiab, tsis tas li xwb, xyuas kom koj tau qhov chaw nyob thiab lub sij hawm yog rau koj qhov uas teem mus sib tham.

Hnav khaub ncaws thiab tu cev kom du lug yog ib qho uas tseem ceeb thiab feem ntau yog qhov uas tus tswv hauj lwm muab los xyuas thaum uas txiav txim seb puas txais.

Txawm tias muaj ib qho kev tso dav hais txog kev hnav khaub ncaws niaj hnub no los, ntau tus tswv hauj lwm muaj ib tug cai hais txog kev hnav khaub ncaws.

Rau cov tswv hauj lwm feem ntau, tseem suav qhov uas lawv pom yus thawj zaug. Kev tsis tu cev kom du lug thiab tsis hnav khaub ncaws kom zoo thaum uas mus sib tham tim ntsej tim muag yog ib qho uas loj heev hais txog qhov uas cov neeg nrhiav hauj lwm tsis tau txoj hauj lwm.

Ntawm no yog ib co tswv yim hais txog kev tu cev uas yuav tau siv ua ntej mus tom ib qho kev sib tham txog hauj lwm tim ntsej tim muag:

Yuav tau ntsis plaub hau kom du lug, los sis kho kom zoo.
Chais hwj txwv kom du lug los sis txiav kom luv.
Txhob haus luam yeeb, dej cawv thiab cov khoom noj uas ntsim heev, xws li dos los sis qij, ua ntej koj yuav mus tom qhov kev sib tham tim ntsej tim muag.
Yuav tsum tau txhuam hniav thiab ua pa kom txhob tsw phem.
Hnav cov khaub ncaws uas du lug.
Cov khaub ncaws yuav tsum tau muab liv thiab zoo saib.
Nkawm khau yuav tsum ci nplas.
Lub ntsej muag, txhais tes thiab cov ntiv tes yuav tsum du lug.

Qhia Tawm Koj Cov Peev Xwm

Ib txoj kev uas yuav qhia tau koj cov peev xwm thaum mus sib tham txog hauj lwm tim ntsej tim muag yog qhia rau tus tswv hauj lwm seb koj yuav ua tau dab tsi rau nws thiab muab pov thawj rau nws tias ua tau li ntawv los ntawm qhov qhia txog tej yam yav dhau los los ua piv txwv. Ntawm no yog cov theem uas yuav tsim tau ib co lus teb uas muaj zog uas yuav haub tau tus tswv hauj lwm tias koj yog tus neeg yog rau txoj hauj lwm.

Xav seb cov txuj ci, cov peev xwm, cov kev ua yav dhau los, cov kev xyaum thiab cov xeeb ceem twg yog cov uas tus tswv hauj lwm xav tau. Xav txog seb koj yuav muab tau dab tsi raws li tus tswv hauj lwm txoj kev xav. Cov no yog koj cov peev xwm. Xav txog tej yam uas piv txwv yav dhau los uas qhia tau koj cov peev xwm hais txog kev ua hauj lwm.

Muab ib co piv txwv txog tej yam teeb meem, tej yam kev nyuab, tej lub sij hawm uas muaj teeb meem los sis kev txawj uas yuav ua tau pov thawj txog koj cov peev xwm hais txog kev ua hauj lwm, tus xeeb ceem thiab cov kev txawj.

Qhia me ntsis txog seb rau leej twg, thaum twg, dab tsi, ua li cas, thiab yog vim li cas.

Siv cov kob cuj los qhia tus tswv hauj lwm seb pes tsawg, ntau npaum li cas, pes tsawg zaus, hov ntev, hov ceev, txuas mus, yog tias tau. Muab koj cov kev piv txwv ua kom luv (hauv qab ntawm ib feeb) thiab xyuas kom cov ntawv yog muaj feem txuam nrog hauj lwm.

Qhia qhov uas koj ua tau ntawv uas yuav pab tau tus tswv hauj lwm.

Koj puas:

Ua kom kev muag khoom nce?
Txiav nqi?
Ua kom cov khoom zoo dua qub?
Txo lub sij hawm ua khoom?
Ua kom cov neeg yuav khoom ntawv txaus siab?
Txuag nyiaj (lwm yam)?

Qhia tej yam uas koj ua tau yav dhau los yuav qhia tau rau tus tswv hauj lwm pom seb koj yuav ua tau dab tsi yav pem suab. Qhov no yog tus yuam sij los qhia txog koj cov peev xwm.

Yuav kom pab xyuas seb koj cov kev txawj uas tseem ceeb yog dab tsi, nug koj lub Xeev Wisconsin Qhov Chaw Nrhiav Hauj Lwm rau ib phau ntawv hu ua, “Cov Txuj Ci Ntawm Kev Ua Hauj Lwm” (DETJ-9446-P).

Npaj Teb Cov Lus Nug

Cov lus uas yuav nug koj yuav sib txawv ntawm ib tug tswv hauj lwm mus rau lwm tus tswv hauj lwm. Tiam sis, muaj ib co lus nug ua qauv uas feem ntau cov neeg nug ntawv yuav nug.

Ob sob lus nug uas yuav tau siv tswv yim los teb uas cov tswv hauj lwm nug cov neeg nrhiav hauj lwm feem ntau yog, “Qhia rau kuv txog koj tus kheej,” thiab “Kuv yuav pab tau koj dab tsi?" Cov sob lus nug no yuav nyuaj vim tias nws dav heev. Koj txoj hauj lwm yog zam qhov uas teb yam dav dav xwb. Teb ncaj qha rau tus tswv hauj lwm seb yog vim li cas koj ho tsim nyog tau txoj hauj lwm. Teb yam uas muab koj cov peev xwm los qhia— cov kev txawj thiab peev xwm — uas muaj feem nrog rau txoj hauj lwm uas muaj ntawv.

Teb tag nrho cov lus nug kom luv thiab teb ncaj qha. Ib co lus nug tej zaum yuav muaj kev cais tshwj. Tiam sis, tej zaum koj yuav xav teb cov lus ntawv. Nco ntsoov, koj yuav tsum tau teb yam uas koj yuav qhia tau txog koj tus kheej yam uas zoo. Nco ntsoov muab cov lus teb ntawv mus rau txoj hauj lwm uas koj thov ntawv.

Txoj kev uas zoo tshaj los ua kom txhob ntshai thiab ua kom ntseeg tau tus kheej yog: xyaum, xyaum, xyaum!

Cov nqe lus uas feem ntau nug tas li thaum mus sib tham tim ntsej tim muag

Q: Qhia rau kuv txog koj tus kheej.

A: Hais txog kev ntseeg siab, kev ua tau tus yees, kev nyiam txoj hauj lwm thiab cov kev txawj, nrog rau tej yam uas zoo.

Q: Koj lub hom phiaj rau yav pem suab yog dab tsi?

A: Qhia txog koj txoj kev xav kawm txoj hauj lwm. Tham txog qhov uas yuav xav los ua ib tug neeg muaj nqis rau qhov chaw ua hauj lwm. Yog tias koj hnov tias qhov chaw ua hauj lwm ntawv yog ib qho chaw uas zoo ua hauj lwm rau, hais kiag li ntawv.

Q: Koj puas tau ua hom hauj lwm no dua li?

A: Tsis txhob teb tias “tsis tau" li. Hais tej yam hauj lwm uas zoo ib yam li txoj ntawv tsis hais ua hauj lwm tau nyiaj los sis ua hauj lwm pub dawb, kev xyaum los sis kev kawm. Tham txog koj lub peev xwm kawm tau sai los sis qhov peev xwm rau hom hauj lwm.

Q: Yog vim li cas koj ho xav ua hauj lwm nov?

A: Hais txog qhov uas koj nyiam qhov chaw ua hauj lwm thiab teb yam kom zoo. Tej yam uas yuav hais muaj raws li nram no:

Lub koob nto npe zoo ntawm qhov chaw ua hauj lwm hauv zej zos.
Koj yuav txaus siab qhia rau lwm cov neeg tias koj ua hauj lwm ntawm no.
Tus tswv hauj lwm uas qhia tseeb.
Hnov tias qhov chaw ua hauj lwm txaus siab rau cov neeg ua hauj lwm zoo.
Yog ib qho chaw ua hauj lwm uas zoo heev.

Qhov tseem ceeb uas yuav tau hais yog qhov tias koj nyiam hom hauj lwm no thiab koj xav tias koj yuav ua tau zoo.

Q: Koj siv tau hom tshuab, twj los sis khoom yam twg?

A: Koj qhov lus teb yuav tsum muaj qhia txog tag nrho cov tshuab uas siv rau txoj hauj lwm thiab nrog rau tej yam kev nyiam ntawm koj uas yuav tau siv cov txuj ci uas koj yuav tau siv rau txoj hauj lwm no. Koj yuav tsum tau paub lub npe ntawm hom khoom uas koj tau siv los lawm.

Q: Koj ua puas tau hauj lwm thaum muaj kev nyuab siab thiab sij hawm luv?

A: Yog tias tus tswv hauj lwm nug sob lus no, tej zaum nws yuav txhais tau tias qhov no yog ib feem ntawm txoj hauj lwm. Koj nqe lus teb yuav tsum qhia rau tus tswv hauj lwm tias koj ua tau hauj lwm thaum muaj kev nyuab siab thiab sij hawm luv. Koj yuav tsum tau hais tej yam ua piv txwv los ntawm txoj hauj lwm uas koj ua yav dhau los thaum uas tsim nyog ua hauj lwm rau tej lub sij hawm zoo li ntawv. Piv txwv li, yog tias koj twb ua hauj lwm hauv tsev noj mov los lawm, koj yuav hais tau txog lub sij hawm thaum uas sawv daws los noj sus uas koj yuav tau pab ntau tus neeg uas tau sij hawm luv. Qhia kom tus tswv hauj lwm paub meej tias koj yeej yuav ua tau txoj hauj lwm yam uas yuav tsis ntshai.

Yog hais tias koj yog ib tug neeg kawm ntawv, koj yuav hais tau txog qhov uas koj yuav tau saib ntawv thaum uas muaj kev kub nruj ntau heev xws li yuav tau sau ib daim ntawv kom tiav los sis saib ntawv rau ib qho kev tshau ntawv (exam). Los sis yog tias koj tau ua hauj lwm tom ib qho chaw ua ub no, koj yuav hais tau tias koj yuav tau ua ib co khoom kom ncav sij hawm los sis rau thaum uas lawv tsis qhia ua ntej thiab koj yeej sib zog ua kom ncav sij hawm.

Q: Yog vim li cas koj hos tsis ua koj txoj hauj lwm lawm?

A: Yog tias nws yog ib qho uas raws txoj cai, hais kom me thiab qhia kom tseeb. Hais tias qhov chaw ua hauj lwm tsis muaj hauj lwm ua lawm thiab koj ua tsis tau ntev hauv pes tsawg. Txawm tias yog vim dab tsi los, qhia ib qho xwb tau lawm.

Yog tias nws yog ib qho uas tsis zoo (piv txwv li, koj raug ncaws tawm hauj lwm), qhia yam uas zoo nkauj txog seb qhov teeb meem yog dab tsi los sis tau kho li cas.

Tsis txhob hais tej yam tsis zoo txog koj qhov chaw ua hauj lwm yav tas los. Ntxiv thiab, tsis txhob hais tias koj tsis ua koj txoj hauj lwm lawm vim tias koj tsis muaj kev sib raug zoo nrog rau koj tus thawj coj. Tus neeg nug koj ntawv tej zaum yuav ua hauj lwm nrog lwm qhov chaw ua hauj lwm thiab/los sis tej zaum yuav muaj phooj ywg nyob rau tov. Nws yog ib qho uas yooj yim heev rau tus tswv hauj lwm xav txog qhov ntawv vim tias yog koj tsis sib raug zoo nrog koj tus thawj coj tov, ces koj yeej yuav tsis sib raug zoo nrog koj tus thawj coj tshiab.

Hais tag nrho cov zoo txog koj txoj hauj lwm yav tas los txawm tias koj twb tsis nyiam ua hauj lwm tov kiag. Yog tias koj hais tej yam phem txog koj txoj hauj lwm yav tas los, tus neeg uas nrog koj tham ntawv tej zaum yuav xav tias koj qhia rau neeg txog tej yam tsis zoo ntawm qhov chaw ua hauj lwm no thiab thiab yuav tsis txais koj ua hauj lwm vim qhov ntawv.

Q: Koj tus tswv hauj lwm xav li cas txog koj txoj kev ua hauj lwm?

A: Qhov uas zoo tshaj yog muab ib daim ntawv uas hais txhawb qhuas koj. Yog tias koj tsis muaj daim ntawv no, cia li hais tias koj yeej ib txwm muaj kev sib raug zoo nrog rau koj tus tswv hauj lwm, yog tias hu rau nws, koj yeej paub zoo lawm hais tias lawv yuav txhawb qhuas koj.

Yog tias koj xav tias koj yuav tsis tau ib qho kev txhawb qhuas zoo, qhia yam uas luv luv txog seb yog vim li cas ho yuav tsis tau kev txhawb qhuas zoo.

Q: Koj cov hom phiaj ntawm kev ua hauj lwm yog dab tsi?

A: Qhia txog koj txoj kev xav kawm tej yam tshiab, xav kawm kom txawj thiab ua kom koj yog ib tug neeg muaj nqis hauv qhov chaw ua hauj lwm. Yog tias koj paub tias qhov no yog ib qho uas yuav nce qib tau yog tias nkag rau hauv lawm, hais txog koj txoj kev xav kawm txoj hauj lwm kom paub zoo thiab yuav nce mus rau txoj hauj lwm siab zog uas muaj thiv meem ntau zog hauv qhov chaw ua hauj lwm. Yog tias koj tsis paub tias seb puas yuav muaj qhov uas nce qib ntawv, tsis txhob hais txog ib txoj hauj lwm siab zog uas koj xav tau vim tias tus tswv hauj lwm yuav xav tias tej zaum koj yuav tsis txaus siab txog txoj hauj lwm uas qhib tam sim no. Cia li hais tias koj xav los ua ib tug neeg uas zoo tshaj plawv uas qhov chaw ua hauj lwm muaj nyob rau qhov ntawv.

Q: Koj yuav npaj siab nyob hov ntev nrog qhov chaw ua hauj lwm ntawm no?

A: Hais tias koj yuav tsis npaj tsiv tsev, sib yuav, muaj menyuam, los sis rov qab mus kawm ntawv, txuas mus, thiab vim tias koj tsis pom tias yog vim li cas koj ho yuav tsis nrog lawv kom ntev mus, koj yuav zoo siab heev txog txoj hauj lwm no.

Q: Koj xav kom tau nyiaj pes tsawg?

A: Nyob ntawm txoj hauj lwm, koj cov kev tsim nyog, thiab qhov uas koj ntseeg koj tus kheej, cia li:

Hais tias koj xav tias tus tswv hauj lwm hais li cas los yeej ncaj ncees, yog tias nws nyob raws li qhov uas koj twb ua dhau los lawm, cov kev tsim nyog, thiab qhov chaw ua hauj lwm kev them nyiaj;
Muab ib qho nyiaj xyoo raws li koj cov kev tsim nyog, tiam sis nco ntsoov qhia rau tus neeg nug ntawv tias qhov ntawv nws yuav hloov tau, raws li txoj hauj lwm thiab cov thiv meem ntawm txoj hauj lwm;
Nug tus tswv hauj lwm seb qhov uas them rau txoj hauj lwm no zaum tas los yog pes tsawg.

Yog tias tau, cia tus tswv hauj lwm txais koj ua ntej tham txog qhov nyiaj xyoo. Nco ntsoov xyuam xim koj tsis txhob hais txog qhov nyiaj xyoo uas qis tshaj los sis siab txog tus qauv them rau txoj hauj lwm. Yog tias koj hais qhov nyiaj qis tshaj tus qauv them rau txoj hauj lwm, tej zaum koj yuav tau txais nyiaj tsawg tshaj qhov uas yuav them rau koj. Thiab, yog tias koj hais ntau tshaj tus qauv them, tej zaum koj yuav tsis tau txoj hauj lwm.

Q: Qhov uas koj ua tau zoo tshaj yog dab tsi?

A: Hais tej yam uas muaj feem rau txoj hauj lwm, thiab qhia seb nws yuav siv tau li cas ntawm qhov chaw ua hauj lwm. Koj yuav xav hais txog koj tus kheej tias koj yog ib tug neeg ua hauj lwm tau zoo heev (tuaj raws ncav sij hawm,ua tau zoo yam tsis nkim sij hawm, muab khoom los tso kom muaj chaw, ua hauj lwm kom txog thaum hauj lwm tiav, txaus siab rau koj txoj hauj lwm, txhuas txhuas mus).

Q: Qhov uas koj tsis txawj tshaj yog dab tsi?

A: Muab qhov uas tsis txawj tig mus ua ib qho uas txawj. Piv txwv li: “Kuv yeej ua kom tiav ib qho dab tsi txawm tias yuav siv sij hawm ntau los ua” los sis “Kuv mam muab tej khoom los tso kom muaj chaw heev dhau lawm.”

Q: Koj xav tias koj zoo li cas?

A: Hais txog tej yam uas zoo uas tus tswv hauj lawm xav kom koj tau. Piv txwv li: siab zoo, hais qhov ncaj, tuaj raws sij hawm, ua tau zoo yam tsis nkim sij hawm, muab khoom los tso kom muaj chaw, tso siab tau rau, muaj kev koom tes, ua hauj lwm nyhav, muaj tswv yim zoo, muaj kev ruaj siab, txawj ntse, nquag, zoo siab. Tsis txhob hais tej yam uas tsis zoo.

Q: Koj paub dab tsi txog peb qhov chaw ua hauj lwm?

A: Koj nqe lus teb yuav tsum muaj cov lus qhia txog keeb kwm ntawm qhov chaw ua hauj lwm thiab cov khoom uas lawv ua los sis lawv muaj. Yog xav paub ntxiv, mus nrhiav hauv qhov chaw saib ntawv los sis hauv koj lub Xeev Wisconsin Qhov Chaw Nrhiav Hauj Lwm (Wisconsin Job Center).

Q: Koj ua dab tsi thaum uas koj tsis muaj hauj lwm ua?

A: Hais txog tej yam uas koj tau ua uas muaj nuj nqis, xws li kawm ntawv, ua hauj lwm pub dawb, thiab nrhiav hauj lwm ua ib ntus. Koj yuav tsum ua li koj yog ib tug neeg nquag thaum uas tsis muaj hauj lwm ua es tsis yog ib tus neeg tub nkeeg tsis ua dab tsi.

Q: Koj ncua pes tsawg hnub hauj lwm los sis hnub kawm ntawv tsaib no?

A: Kev tuaj ua hauj lwm yogi b qho tseem ceeb rau cov tswv hauj lwm, li no yog tias koj tsis paub tseeb seb yog pes tsawg hnub kiag, lam kwv yees ib qho uas yuav taus. Yog tias koj ncua hauj lwm vim tias muaj mob, qhia rau tus tswv hauj lwm tias koj twb zoo lawm thiab qhov no yuav tsis cuam tshuam rau koj txoj kev ua hauj lwm. Nws yog ib qho zoo yog tias koj muab tau ib daim ntawv los ntawm koj tus kws kho mob tias koj twb zoo lawm.

Q: Thaum twg koj mam li ua tau hauj lwm?

A: Hais li qhov uas koj yuav pib tau yam sai li sai tau. Yog tias koj tsis paub tseeb seb koj puas yuav xav txais txoj hauj lwm, muab ib lub sij hawm uas tsim nyog uas koj mam li qhia rau nws paub txog qhov koj txiav txim.

Q: Yog vim li cas peb yuav tsum tau txais koj es tsis txhob txais lwm tus neeg?

A: Hais tag nrho tej yam zoo uas koj muaj uas yuav ua tau tias koj yog ib qho tseem ceeb rau qhov chaw ua hauj lwm. Ib co kev piv txwv muaj li cov nram qab no:

Tuaj ua hauj lwm tsis ncua ntau thiab tuaj raws sij hawm;
Tej yam ntawm tus kheej, xws li siab zoo, hais qhov tseeb thiab kom tsis nkim sij hawm;
Cov kev tsim nyog rau txoj hauj lwm thiab lwm cov txuj ci uas koj muaj;
Ua tau hauj lwm ceev uas tsis muaj qhov yuam kev ntau;
Sib raug zoo nrog cov neeg saib xyuas;
Yuav ua tau hauj lwm tshaj teev me ntsis.

Koj hais tias tias koj nyiam hom hauj lwm no, ua tau zoo, thiab xav tias koj yuav mob siab ua dua lwm tus neeg.

Q: Koj puas muaj lus nug dab tsi?

A: Tus neeg nug feem ntau yuav nug seb koj puas muaj lus nug. Npaj ib co lus nug thaum mus sib tham tim ntsej tim muag. Nws yog ib lub sij hawm zoo los piav me ntsis txog tej yam uas tsis nkag siab zoo, paub me ntsis ntxiv txog qhov chaw ua hauj lwm, thiab qhia tias koj xav tau txoj hauj lwm thiab nyiam qhov chaw ua hauj lwm.

Ntawm no yog ib co sob piv txwv ntawm cov lus nug uas yuav nug thaum uas sib tham tim ntsej tim muag:

Kuv yuav ua hauj lwm ib leeg los sis nrog lwm tus neeg?
Kuv yuav tau mus qhia rau leej twg? — ncaj qha thiab tsis ncaj qha?
Qhov teeb meem nyuab tshaj uas koj xav tias tej zaum kuv yauv ntsib nrog qhov chaw ua hauj lwm no yog dab tsi?
Cov dej num thiab thiv meem ntawm txoj hauj lwm no yog dab tsi?
Koj qhov chaw ua hauj lwm yuav npaj loj hlob / nthuav dav li cas li ob peb xyoos tom ntej no?
Kuv mus saib puas tau qhov chaw uas kuv yuav ua hauj lwm?
Kuv nrog ib los sis ob tug neeg ua hauj lwm tham puas tau?
Yog vim li cas qhov chaw ua hauj lwm no yog ib qho chaw zoo ua hauj lwm?
Koj puas muaj tej ntaub ntawv qhia txog qhov chaw ua hauj lwm no uas kuv yuav nqa tau nrog kuv mus?
Puas muaj ib lub sij hawm uas los soj ntsuam kuv?
Leej twg yuav soj ntsuam qhov uas kuv ua hauj lwm? Thaum twg? Soj ntsuam li cas?
Koj yuav qhia tau rau kuv li cas txog cov khoom tshiab/cov kev pab tshiab uas qhov chaw ua hauj lwm no yuav npaj tshaj tawm?
Qhov chaw ua hauj lwm qhov chaw nyob hauv qhov lag luam no yog li cas?
Cov kev nyuaj ntawm qhov chaw ua hauj lwm/ lub caj meem fai ntsib yog dab tsi?
Koj qhia puas tau rau kuv seb ib hnub ua hauj lwm ntawm no zoo li cas?
Txoj hauj lwm dhos li cas hauv tus qauv coj hauv qhov chaw ua hauj lwm no?
Koj yuav piav tau li qab hais txog qhov chaw ua hauj lwm ntawm koj qhov chaw ua hauj lwm no?
Tej yam uas koj xav tias yuav ua tau kom zoo zog los ntawm tus neeg uas koj txais yog dab tsi?
Yog vim li cas koj ho mus nrhiav neeg sab nrauv rau txoj hauj lwm no?
Txoj hauj lwm no puas yog ib txoj tshiab?
Koj yuav hais tau li cas txog koj hom kev ua thawj coj?
Koj qhia puas tau seb txoj hauj lwm no muaj feem li cas rau tag nrho cov hom phiaj ntawm lub caj meem fai thiab qhov chaw ua hauj lwm?
Ib co hom phiaj tseem ceeb uas koj xav pom kom ua tau ntawm txoj hauj lwm no yog dab tsi?
Koj qhov chaw ua hauj lwm puas txhawb kom koom tes nrog tej yam hauv zej zos?
Puas yuav ua hauj lwm tshaj sij hawm (overtime) / mus ncig?
Cov kev pab uas qhov chaw ua hauj lwm muaj yog dab tsi?
Koj puas muaj ib qho nyiaj pub, yuav khoom twv nqi, paj peev sib koom, tus zauv siv nyiaj?
Txoj cai hais txog kev pauv hauv qhov chaw ua hauj lwm yog li cas?
Cov sij hawm zoo rau kev nthuav ntawm cov neeg txawj yog dab tsi?
Yog vim li cas tus neeg kawg ntawm txoj hauj lwm no ho tawm?
Cov kev txawj los sis cov peev xwm uas tus neeg tsim nyog rau txoj hauj lwm no yuav tsum muaj yog dab tsi?
Koj piav me ntsis txog cov dej num ntawm txoj hauj lwm puas tau?
Muaj pes tsawg tus neeg tau tuav txoj hauj lwm no ob xyoos tas los?
Kuv yuav siv cov twj, cov tshuab, cov khoom zoo li cas?
Puas muaj dab tsi uas kuv yuav ua tau los sis kawm tau ua ntej txog txoj hauj lwm no?
Kuv yuav ua hauj lwm tsawg teev txog tsawg teev yog tias txais kuv?
Qhov nyiaj uas them rau txoj hauj lwm no yog kwv yees li cas?

Yuav xaus qhov kev sib tham tim ntsej tim muag

Neeg nco qhov uas lawv pom ua ntej thiab hnov thaum kawg.

Koj puas xav tias kuv muaj cov kev tsim nyog uas koj nrhiav?
Puas muaj lwm yam ntxiv uas koj xav paub txog kuv?
Puas muaj tej yam dab tsi uas koj xav tias kuv tsis muaj txaus ntawm qhov uas koj xav tau?
Koj yuav npaj txiav txim siab txais neeg thaum twg?
Sib tuav tes.
Qhia rau tus tswv hauj lwm tias koj vam thiab cia siab tias yuav hnov lus los ntawm nws.

Xaus qhov kev sib tham tim ntsej tim muag yam uas zoo

Ua ntej qhov kev sib tham tim ntsej tim muag xaus, qhia tus neeg ntawv paub tias koj xav tau txoj hauj lwm thiab koj muaj tej yam uas yuav pab tau.

Xyuas kom tus neeg nug ntawv tau ib tug xov tooj uas yuav hu tau koj thaum lub sij hawm ua hauj lwm li ntawm ob peb hnub tom ntej no. Yog tias koj tseem tab tom ua hauj lwm, tej zaum koj yuav xav teem ib lub sij hawm uas koj yuav hu tus neeg nug koj ntawv rov qab.

Mloog seb thaum twg qhov kev sib tham no tas thiab mus. Tsis txhob nyob ntawm qhov rooj uas nug tej yam lus nug uas tsis tsim nyog.

Muaj Yeej Thaum Uas Koj Soj Qab

Tom qab koj tawm hauv tus neeg nug lub chav fai, siv ob peb feeb rov qab los soj ntsuam thiab xyuas seb koj ua tau zoo li cas. Rov qab saib daim ntawv no dua, thiab txiav txim seb koj yuav ua tau dab tsi txawv, yog tias muaj, lwm zaus koj rov qab mus sib tham tim ntsej tim muag.

Ntxiv thiab, xa ib daim ntawv ua tsaug rau tus neeg uas nug koj ntawm kom sai li sai tau tom qab qhov kev sib tham tim ntsej tim muag txog txoj hauj lwm. Lub hom phiaj ntawm daim ntawv yog rov qab hais tias koj xav tau txoj hauj lwm. Nws tseem rov qab ua kom tus neeg nug koj ntawv nco qab koj thiab ua rau tus neeg nug ntawv pom ib qho zoo ntawm koj.

Daim ntawv yuav ntaus tau los sis xuas tes sau. Nws yuav yog sau hauv ib daim ntawv sau los sis ib daim ntawv uas muaj koj npe thiab chaws nyob. Nco ntsoov sau mus rau tus neeg uas nrog koj tham. Nco ntsoov muab cov ntawv tso rau qhov nruab nrab ntawm daim ntawv, txawm tias daim ntawv yuav yog ib daim luv luv xwb.

Yog tias koj tsis hnov tus neeg nug koj ntawv hu tuaj tom qab ib lub sij hawm uas tsim nyog nws yuav tau hu tuaj lawm, hu rov qab seb nws hu puas tau koj.

Txawm tias lawv tsis txais koj los, qhia rau qhov chaw ua hauj lwm paub tias koj tseem xav ua hauj lwm rau lawv thiab koj yuav xav kom lawv suav koj rau lwm txoj hauj lwm uas muaj qhib.

[Saib Daim Ntawv Ua Tsaug uas Piv Txwv.]

Kev Mus Sib Tham Tim Ntsej Tim Muag Cov Ua thiab Tsis Ua

Koj cov kev ua, cov lus thiab xeeb ceeem feem ntau yuav cuam tshuam qhov uas lwm tus neeg xav txog koj. Qhov uas koj ua los sis tsis ua thaum sib tham tim ntsej tim muag yuav yog ib qho uas ua kom tau txoj hauj lwm.

Cov nram qab yog ib co tswv yim uas muaj los ntawm cov qauv uas yog raws li neeg txoj kev xav rau thaum uas sib tham tim ntsej tim muag thiab tseem yuav siv tau rau lwm qhov hauv koj txoj kev nrhiav hauj lwm.

Ua:

Tau cov lus qhia txog qhov chaw uas hauj lwm/lub koom haum uas ntej.
Xyaum teb cov lus nug uas nyuaj, tsis raug cia, los sis “nug txog tus kheej tob hev" lawm.
Pw kom zoo hmo ua ntej kom koj thiaj li nyob cus plaws thaum uas sib tham tim ntsej tim muag.
Hnav khaub ncaws kom zoo thiab tu cev kom du lug.
Nqa ib co nyiaj nrog koj. Tej zaum koj yuav tau hu xov tooj los sis yuav khas fes haus.
Nqa ib daim ntawv sau txog cov hauj lwm yus ua dhau los ntxiv, ib daim ntawv uas muaj cov neeg uas yuav hu nug tau, ib phau ntawv sau thiab ib tug mem kua.
Mus li 10 mus rau 15 feeb ua ntej thiaj li tau mus siv chav dej, nrhiav cov chav fai, npaj kom ntxov tsam muaj tsheb thiab sij hawm los SO!
Hwm tag nrho cov neeg teb xov tooj kom zoo — lawv yog cov phooj ywg uas tseem ceeb.
Ua li koj zoo siab. Luag ntxhi thiab tuav tes kom khov thaum uas ntsib tus neeg nug los sis lwm cov neeg ua hauj lwm hauv; hais lus kom meej thiab ncaj qha, thiab hloov koj lub suab hais lus tas li.
Nco ntsoov thiab hais cov npe ntawm cov neeg uas koj ntsib kom yog (los sis cov uas thaum nrog hauv lub xov tooj).
Zaum kom ncaj, ntsia ntsoov lub qhov muag, nyo me me ntawm koj lub rooj zaum. Coj kom zoo thiab ua li koj nyiam txoj hauj lwm thiab tus neeg uas nug koj ntawv.
Teb cov lus nug tag nrho kom meej.
Mloog tus neeg nug ntawv. Qhov no thiaj li yuav tsis rov qab nug cov lus nug uas twb nug tas lawm. Ntxiv thiab, siv sij hawm los nug kom tshab txhais cov lus nug uas koj tsis nkag siab.
Muag koj cov kev tsim nyog rau txoj hauj lwm dua qhov uas koj xav tau txoj hauj lwm.
Siv “thov” thiab “ua tsaug” thaum uas tsim nyog. Qhov no yuav tsum siv rau txhua tus neeg uas muaj feem nauv koj qhov kev nrhiav hauj lwm.
Nug cov lus nug thaum uas tham tim ntsej tim muag.
Qhia tias koj xav tau txoj hauj lwm uas hais, “Kuv vam tias koj yuav xaiv kuv rau txoj hauj lwm no," los sis "Kuv txaus siab heev rau txoj hauj lwm no vim tias..."
Ua tsaug rau tus neeg nug thaum uas qhov kev sib tham ntawv tas.
Sau koj cov kev xav (tom qab koj mus) txog qhov kev sib tham thiab seb koj yuav ua dab tsi txawv lwm zaus.
Tom qab qhov kev sib tham, hu los sis sau ib daim ntawv ua tsaug lawv qab.

Tsis txhob:

Coj cov ntxheeb ze, phooj ywg los sis menyuam yaus.
Nug cov lus nug txog seb them pes tsawg thiab cov kev pab yog li cas.
Ua zoo nkaus li koj yuav tsum tau txoj hauj lwm no nkaus xwb.
Cuam tshuam. Yog tias koj muaj lus nug los sis xav kom tshab txhais, tos kom txog lub sij hawm zoo cuam tshuam hauv qhov kev sib tham mam li hais lus.
Hais txog tej yam ntawm tus kheej (teeb meem ntawm tus kheej, teeb meem txog nyiaj txiag, teeb meem txog kev kaj huv ntawm cev.) Hais ntsoov koj cov kev tsim nyog rau txoj hauj lwm.
Thaum cov chaw ua hauj lwm thiab cov neeg uas ua hauj lwm nrog ua ntej.
Tsis txhob hais tej yam kom zam xwb li: “Cov hauj lwm nyuaj heev,” los sis, “Cov neeg kuv ua hauj lwm nrog tsis zoo.”
Tsis ntsiab tus neeg uas nug koj ntawv.
Zom khaub noom yas, haus luam yeeb, ua si nrog koj cov plaub hau, los sis kho koj cov khaub ncaws tas li. Cov kev ua no yog ib co uas yuav kom meem txom heev.
Nyeem cov ntawv los sis tuav tej yam khoom nyob ntawm tus neeg nug lub rooj.
Nqa tej yam uas loj heev mus rau tom qhov kev sib tham tim ntsej tim muag xws li: cov phau ntawv, cov hnab yuav khoom los sis cov thawv rau ntawv uas loj heev.
Sau tej yam uas tham txog thaum uas sib tham tim ntsej tim muag yam uas tsis tau kev tso cai.

Yog Vim Li Cas Kuv Ho Tsis Tau Txoj Hauj Lwm

Feem ntau cov tswv hauj lwm yuav tsis qhia rau koj yog tias koj tsis tau txoj hauj lwm, Thiab koj yuav xav tias muaj dab tsi ua yuam kev. Feem tnau cov tswv hauj lwm qhia rau cov neeg tias lawv tau “txais lwm tus neeg uas tsim nyog dua” thiab tej zaum nws yuav yog ib qho tseeb rau tej lub sij hawm. Tiam sis feem ntau qhov no yog ib qho los npog qhov uas yog vim li cas koj ho tsis tau txoj hauj lwm.

Hauv qab ib co kev zam uas tej zaum koj yuav xav rov soj ntsuam:

Tsis npaj txaus

Koj puas ua li qhov uas koj yuav tsum ua uas nrhiav tag nrho cov lus qhia txog tus tswv hauj lwm lub lag luam ua ntej mus sib tham tim ntsej tim muag?
Koj puas xyaum teb cov lus uas tej zaum tus tswv hauj lwm yuav nug?
Koj puas yog tham ntau heev lawm — los sis tham tsawg heev lawm?

Cov Hauj Lwm Uas Ua Yav Tas Los

Nws puas muaj tseeb?
Koj puas qhia tias yog vim li cas ho muaj tej lub sij hawm tsis ua hauj lwm?
Koj daim daim ntawv sau txog cov hauj lwm yus ua dhau los puas yog li tam sim no?
Koj puas tau muab cov neeg uas yuav hu tau uas yuav txhawb qhov uas koj ua hauj lwm yav tas los?

Kev Kawm Ntawv / Cov Kev xyaum

Yog tias koj tsis muaj qhov uas ua yav dhau los uas tus tswv hauj lwm xav tau, koj puas muaj kev kawm ntawv txaus thiab cov kev xyaum hauj lwm uas tej zaum yuav qhia tau?

Nyiaj Xyoo

Koj puas hais yam yuav taus?
Koj puas qhia tias qhov ntawv yuav hloov tau thiab qhov kev ntshaw ntawm qhov kev nce qib uas "yuav tau" thiab cov nyiaj nce?
Koj puas hais txog tej yam kev pab xws li kev tuav pov hwm, tsheb tom hauj lwm, lossis tej lub sij hawm rau kev kawm ntawv/kev xyaum?

Tsim Nyog Dhau Lawm

Koj puas hais tias koj yeej nyiam qhov chaw ua hauj lwm txaus?
Koj puas qhia cov kev txawj uas koj yuav siv rau txoj hauj lwm?
Koj puas yuav tau sua koj daim daim ntawv sau txog cov hauj lwm yus ua dhau los kom siv tau rau txhua yam?

Dhia Hauj Lwm Ib Qho Mus Rau Ib Qho

Koj cov hauj lwm puas muaj ntau txoj hauj lwm uas koj ua luv? (Cov tsis suav yog cov hauj lwm ua thaum lub caij ntuj sov/hauj lwm ua ib lub caij nyob thaum uas tsis kawm ntawv.)

Txav Chaw

Koj puas hloov tau yooj yim thiab yuav yuav taus? Piv txwv li, cov hauj lwm muag khoom thiab tshaj tawm cov khoom feem ntau yuav tau txav chaw tas li.
Koj puas qhia txog qhov uas koj kam mus ncig, yog tias yog xav?

Tsis Ua Hauj Lwm Los Lawm Ntev

Koj puas ua hauj lwm dog dig los sis hauj lwm ua ib ntug htaum uas koj nrhiav hauj lwm? Yog tias ua, sau cov hauj lwm ntawv uas qhia tias koj yeej txaus siab ua hauj lwm.

Kev Kawm Ntawv

Koj puas tau sim kawm ntawv txuas ntxiv los sis kawm lwm yam kom paub ntxiv?
Koj puas qhia txog cov kev xyaum uas koj tau thaum uas ua hauj lwm tom koj cov hauj lwm qub?

Teeb Meem Ntawm Tus Xeeb Ceem?

Koj puas tsis nyiam tus neeg nug koj tam sim ntawv? (Qhov no tej zaum yuav tsis yog ib qho chaw uas koj yuav ua tau hauj lwm zoo.)
Koj puas tau qhia txog teeb meem tnawm kev coj xeeb ceem ntawv cov hauj lwm ua ntej uas qhia txog qhov tsis kam koom tes ua hauj lwm ua ke?

Potential rau Kev Nce Qib

Koj puas qhia tias tso siab tau rau koj ua hauj lwm ib leeg, yuav rau siab ua hauj lwm, thiab yuav yog ib tug neeg ua hauj lwm mus ntev?

Nyiam

Koj puas nug cov lus tshaj li uas qhia tias koj nyiam tus tswv hauj lwm lub lag luam?

Lus

Koj puas hais lus Mis Kas kom yog?
Koj puas hais lus kom meej thiab teb cov lus nug kom yog thiab tag nrho?
Koj puas zam kev sib ceg?

Cwj Pwm

Koj puas hnav li qhov uas zoo tshaj?
Puas tu cev kom du lug thiab hnav khaub ncaws kom yog?

Raws Sij Hawm

Koj puas tuaj ntawm qhov kev sib tham kom ncav sij hawm — los sis ua ntej lub sij hawm teem?
Yog tias koj raug khuam lawm yam uas pab tsis tau, koj puas hu mus qhia kom lawv paub?

Kev Nyuab Siab

Koj puas muab koj cov kev nyuab siab tso rau tom tsev? (Teeb meem txog tsev neeg, kev mob me, teeb meem txog tsheb los sis nyiaj txiag.)
Koj puas npaj rau ib qho kev sib tham uas “nyuab siab” uas tus tswv hauj lwm txhob txim ua kom koj npau taws es thiaj li zoo soj ntsuam cov kev uas koj yuav siv rau nws cov neeg los sis cov neeg yuav khoom?

Kev txawj xav

Koj puas nco qab koj cov xeeb ceem — thov thiab ua tsaug?
Koj puas xa ib daim ntawv “ua tsaug rau qhov kev sib tham tim ntsej tim muag” lawv qab?

Kev Cais Tshwj

Yog tias tsis txais koj ua hauj lwm, koj yuav ntseeg tau hais tias vim tus tswv hauj lwm muaj kev cais tshwj. Tej hom kev cais tshwj yuav txwv tsis pub muaj los ntawm ib co cai hauv cheeb tsam, xeev, thiab tsoom fwv.

Tag nrho cov tswv hauj lwm hauv Wisonsin yuav tsum ua raws li xeev Fair Employment Law, uas tswj los ntawm State Equal Rights Division, 201 E. Washington Avenue, Madison, WI 53702, or 819 N. 6th Street, Milwaukee, WI 53203. Ceg no muaj cov lus qhia txog txoj cai no, thiab cov neeg ua hauj lwm ntawv yuav teb tau cov lus uas koj muaj.

Kawm Ntxiv

Tsis txhob poob siab yog tias lawv tsis txais koj tom qab koj mus sib tham tim ntsej tim muag thawj zaug. Nws yuav tsum yog ib qho uas kawm tau thiab yuav ua rau kom koj ntseeg siab tau rau koj tus kheej thaum uas koj mus sib tham tim ntsej tim muag lwm zaus. Tsis txhob liam koj tus kheej. Paub tias tus tswv hauj lwm qhov kev txiav txim tsis txais koj tsis tau txhais tias tau tsis txais koj yam li ib tug neeg.

Tsis txhob hnov qab.

Kev nrhiav ib txoj hauj lwm yog ib txoj hauj lwm uas ib hnub.

Siv cov yuam sij rau ib qhov kev sib tham uas tim ntsej tim muag uas muaj yeej los qhib cov qhov rooj rau koj txoj kev nrhiav hauj lwm.

Daim Ntawv Teev Txog Kev Sib Tham Tim Ntsej Tim Muag

CSau cov nqi uas koj muaj thaum uas koj mus nrhiav hauj lwm, Vim tias tej zaum ib co yuav rho tau tawm thaum ua se.

Hu rau tsoom fwv thiab xeev cov neeg yog xav paub ntxiv txog cov nqe lus hauv thiab cov kev tism nyog.

Npaj:

Kawm txog lub koom haum.

Muaj ib (ntau) txoj hauj lwm hauv hlwb.

Soj ntsuam koj cov kev tsim nyog rau txoj hauj lwm.

Npaj teb cov nqe lus nug dav dav txog koj tus kheej.

Rov qab saib koj daim ntawv sau txog cov hauj lwm yus ua dhau los.

Xyaum tham tim ntsej tim muag nrog ib tug phooj ywg los sis ib tug ntxheeb ze.

Tuaj ua ntej lub sij hawm teem rau koj qhov kev sib tham tim ntsej tim muag.

Cwj Pwm Ntawm Tus Kheej:

Tu cev kom du lug.

Hnav khaub ncaws kom zoo.

Tsis txhob noj khaub noom yas los sis haus luam yeeb.

Kev Sib Tham Tim Ntsej Tim Muag:

So thiab teb txhua nqe lus kom ntos.

Teb tam sim ntawv.

Siv cov xeeb ceem kom zoo. Kawm tus neeg nug koj ntawv lub npe thiab tuav tes thaum uas sib ntsib.

Siv lus Mis Kas kom yog – tsis txhob siv cov lus phem.

Koom tes thiab muaj kev zoo siab.

Nug cov nqe lus nug txog txoj hauj lwm thiab lub koom haum.

Ua tsaug rau tus neeg koj ntawv thaum uas koj mus thiab, thaum uas sau ntawv lawv qab.

Kev Tshau (Test) (yog tias tus tswv hauj lwm muab ib qho):

Mloog kom zoo zoo rau cov lus qhia ua.

Nyeem ib nqe lus kom zoo zoo zuj zus.

Sau kom nyeem tau thiab kom pom zoo.

Ntsuas koj lub sij hawm kom zoo thiab tsis txhob nyob rau ib nqe lus ntev ntev.

Cov Lus Qhia Uas Yuav Tau Nqa Mus Rau Tom Qhov Kev Sib Tham Tim Ntsej Tim Muag:

Daim yuaj Zauv Pua Cev (Social Security)

Ib daim yuav uas nom tsim muab uas qhia tias yus yog leej twg (daim yuaj tsawv tsheb)

Daim ntawv sau txog cov hauj lwm yus ua dhau los

Txawm tias tsis yog tag nrho cov tswv hauj lwm yuav kom cov neeg nrhiav hauj lwm nqa ib daim daim ntawv sau txog cov hauj lwm yus ua dhau los los, koj yuav tsum tau muab tau cov lus qhia txog koj qhov kev kawm, kev xyaum, thiab cov hauj lwm uas los ua ntej rau tus neeg nug koj ntawv.

Cov neeg uas yuav hu nug tau

Cov tswv hauj lwm feem ntau yuav kom muaj peb tug neeg uas yuav hu nug tau. Yuav tsum tau kev tso cai ua ntej yuav siv leej twg uas tus neeg uas yuav hu nug tau. Xyuas kom lawv muab lus zoo thaum hais txog koj. Sim tsis txhob muab cov neeg txheeb ze.