Zam kom txhob Yuam Kev rau Daim Ntawv sau Nrhiav hauj Lwm

Pos yog koj tab tom nrhiav ib txoj hauj lwm ua? Txoj kev muaj tug tswv zog lub npe thiab hu tam sim no mus rau nws kom muab kev xam phaj yeem tsis tau zoo txaus yuav ntseeg hais tias nws yuav muab ib qhov xam phaj rau koj.

Qee tug tswv zog tsis kam teem sij hawm tuaj xam phaj ua ntej lawv tau txais cov ntawv sau nrhiav hauj lwm. Lawv siv tej kev no coj mus xaiv cov neeg uas lawv xav ntsib ua ntej.

Ib daim ntawv sau nrhiav hauj lwm yog ib daim ntawv uas muaj ntau yam tshaj tug ntsiab lus uas yog sau nrhiav hauj lwm ua, muaj tseeb hais tias nws yog ib txoj kev sib twv ntawm nws tug kheej—nyob li thaum daim ntawv sau nrhiav hauj lwm ua ntawd yuav tau raug siv txoj kev xa ntawv xa rov qab mus rau tug tswv zog. Tug tswv zog yuav tsis muaj kev sib hawm ntawm nws tug kheej nrog koj. Koj yuav tsum qhia kom meej txog koj cov lus tseem ceeb saib koj pos yuav tau txais kev xam phaj.

Tsis tag li ntawd, ib daim ntawv sau nrhiav hauj lwm uas sau tsis tiav, lo av, los sis ntuag kuj yuav ua ib qhov chaw tsis zoo saib xub thawj, yog yuav muab piv nrog lwm tug neeg uas tab tom nrhiav tib txoj hauj lwm ua.

Thaum koj tau txais ib daim ntawv sau nrhiav hauj lwm, xyuas saib koj pos yuav nqa mus sau nyob pem tsev tau. Txoj kev no yuav ua kom koj ho muaj peev xwm siv lub tshuab ntaus ntawv ntaus, los sis muaj kev ywj siab siv sij hawm sau, kom ho qhia cov xov xwm tau tseeb tshaj thiab du dais.

Qee tug tswv zog, ntseeg hais tias cov neeg nrhiav hauj lwm tug uas cia li lam sau kom tag tsug-tsuag rau daim ntawv sau nrhiav hauj lwm, tsis ceev faj txog cov lus qhia los sis tsis xyuas kom zoo txog lwm yam ntsiab lus sau qhia nyob rau hauv daim ntawv, los sis sau cov tes ntawv uas tsis muaj leej twd yuav nyeem tau, tej npam cov neeg no yuav nqa cov yeeb yam tsis zoo no mus ua rau txoj hauj lwm.

Yeem yog hais tias, sij hawm yeem ntev yeem tsis zoo rau txoj kev xa daim ntawv nrhiav hauj lwm rov qab mus rau tug tswv zog qeeb, vim tias txoj hmoo yeem muaj hais tias txoj hauj lwm ntawd tej npam yuav xub raug muab rau lwm tug neeg ua ntej koj daim ntawv yuav rov qab mus txog. (Yog hais tias koj yuav siv sij hawm sau nyob pem tsev, tej npam koj sim lam nug tug tswv zog saib nws pos kam koj sau ob peb lo lus rau hauv ib daim ntawv khaws tseg ua ntu puav.)

Nyeem daim ntawv sau nrhiav hauj lwm kom zoo tshab plaws ua ntej koj yuav sau dab tsi rau. Ces koj thiaj li yuav paub tau hais tias yam xov xwm twd yuav muaj mus rau qhov twd kom tsis txhob lam tau khwv yees sau, los sis muab tua dog tua dig. Sau cov ntsiab lus teb rau cov lus nug khaws tseg hauv ib daim ntawv uas yuav muab tshem cia, yog hais tias koj ntseeg tau hais tias cov ntsiab lus ntawd yuav tseem ceeb txaus yuav siv zog ua ntxiv.

Ntxiv no mus yog tej lus qhuab qhia ntawm tej yam lus nug uas koj yeem yuav raug nug txog.

Lub Npe

Xav ntseeg los tsis ntseeg kuj tau, qee lub sij hawm nws kuj muaj peev xwm ua ib qhov teeb meem rau tug tswv zog. Ua kev piv txwv, ib tug neeg nrhiav hauj lwm tej npam yuav tau pauv nws lub npe vim yog los ntawm txoj kev lij choj, los sis muaj raws txoj kev sib yuav. Lub npe yuav txiv ntawm ib tug poj niam uas siv nws lub npe hluas nkauj ua hauj lwm nyob ib qhov chaw llos dua tej npam yuav ua kom tug tswv hauj lwm qub tsis paub nws lub npe yuav txiv thaum nws tau thov kom tug tswv zog pab qhia txog nws txoj qub hauj lwm.

Chaw Nyob

Ib los sis ob qhov chaw nyob — tej npam yuav yog ntev thiab luv — ib txwm yeem yuav raug nug txog. Yog hais tias koj yog ib tug me nyuam kawm ntawv uas tab tom npaj yuav ua hauj lwm nyob deb ntawm tsev thaum lub caij sov, muab ib qhov chaw nyob uas yuav xa xov mus cuag tau rau koj, los sis yuav xa cov ntawv mus ntxiv kom txog. Yov tsum kom muaj Zip codes.

Xov Tooj

Cov tswv zog ib txwm yuav siv xov tooj hu rau cov neeg nrhiav hauj lwm. Nws yog ib qhov tseem ceeb heev uas koj yuav muab ib tug zauv xov tooj kom siv hu tau rau koj ntawm txhua lub sij hawm. Lub sij hawm uas zoo hu tshaj plaws yuav tsum muaj qhia tseg yog hais tias koj yuav mus kev deb ntawm ib lub sij hawm.

Tug Zauv Social Security

Thov ib daim zauv Social Security kuj yooj yim heev, thiab txawm li cas los koj yuav tsum muaj ib daim, tsis hais hnub nyoog npaum li cas. Koj yuav tsis raug yuam kom qhia koj tug zauv Social Security rau hauv daim ntawv sau nrhiav hauj lwm. Txawm li cas los xij, thaum uas koj tau raug txais ua hauj lwm lawm koj yuav tsum qhia koj tug zauv rau koj tug tswv zog kom nws thiaj paub ua ntaub ntawv them nyiaj rau koj thiab thiaj li muaj laus nyob hauv Social Security, lub xeev thiab tsoom fwv cov nyiaj khaws se thiaj li yuav muab raug rau tug xwm txheej.

Yam Hauj Lwm Xav Tau Ua

Koj yuav teb cov lus nug no li cas yog ib qhov tseem ceeb heev. Nrhiav kom paub tau hais tias muaj yam hauj lwm twd qhib ces ho sau ntawv thov ua yog tias yam hauj lwm ntawd ho yog yam hauj lwm uas koj yuav muaj peev xwm ua tau. Txhob muag koj tej kev txawj ntse ntsia qes-qes. Xyuas kom paub tseeb thiab txhob lam sau ntawv ua “txhua yam hauj lwm” los sis “tsis hais yam hauj lwm twd llos ua.” Tshawb xyuas txog yam hauj lwm uas koj muaj peev xwm ua tau — piv txwv, paub tsav tsheb, ua tug pab neeg ua lag luam, paub ntaus ntawv, ua tug neeg pab nyob hauv tsev sim khoom, los sis paub kho tsheb. Lwm txoj hauj lwm tej npam yuav xav kom tug neeg ua txoj hauj lwm ntawd muaj kev txawj ntxias los sis muaj cuab kav ua txoj kev pheej hmoo.

Yog ho tws kev lawm, caws koj lub hom phiaj kom siab thaum tab tom npaj yuav txais ib txoj hauj lwm uas them nyiaj tsawg los sis tsis tshua xav ua thaum tam sim no,—qhov tsawg twb yog hais tias koj ho tau tsiv tawm ntawm tug xwm txheej yog “neeg sab nraud” mus ua “neeg sab hauv.”

Ntawv Pov Thawj Tsav Tsheb

Muaj cuab kav yuav tsav kuj yog ib txoj kev txiav txim siab xaiv mus ua rau tej yam hauj lwm. Ib tug neeg nrhiav hauj lwm uas muaj cuab kav yuav tsav tsheb uas yog siv cias tej npam yuav muaj qhov tsam dua.

Yog hais tias koj tsis muaj ib daim ntawv pov thawj tab sis npaj yuav mus ua kom tau ib daim, qhia rau tug tswv zog uas koj tab tom thov ua hauj lwm nrog ntawd hais tias koj tab tom yuav mus ua ib daim ntawv pov thawj kom sai raws li yuav sai tau.

Ua Hauj Lwm Dua Nyob Hauv Lub Chaw No

Txhua txoj kev uas tau sim yuav npog kom txhob pom txog txoj hauj lwm dhau los ib txwm yeem yuav raug tshawb pom tau thaum koj cov ntaub ntawv tau raug tshawb xyuas.

Nyiaj Hli Uas Xav Tau

Sim nrhiav kom paub ua ntej txog cov theem nyiaj hli ntawm lub chaw ua hauj lwm ntawd. Tsab ntawv xov xwm cov lus khau xab nas thiab cov neeg tawm tswv yim nrhiav hauj lwm kuj yuav muaj peev xwm qhia txog rau tej yam hauj lwm no.

Vim hais tias feem coob ntawm cov hluas tsis tau ua hauj lwm los dua, lawv ib txwm thiaj li tsuas raug them theem nyiaj qis-qis tshaj plaws. Ntsia qhov kom muaj tseeb. Nco ntsoov hais tias tug tswv zog yuav them nyiaj rau koj raws li koj txoj kev muaj nqis rau lub tsev ua hauj lwm, tsis yog yuav them raws li koj cov lus uas koj tau hais.

Cov chaw Wisconsin Job Center yuav muaj peev xwm qhia tau rau koj hais txog lub xeev thiab tsoom fwv cov theem nyiaj uas them qis tshaj plaws tam sim no, los sis koj kuj muaj peev xwm yuav sau ntawv mus rau lub tsev saib xyuas txog tug cai sib luag (the Equal Rights Division), lub tsev saib xyuas txog neeg ua hauj lwm Department of Workforce Development, 201 E. Washington Avenue, Madison, WI 53702. Nug kom tau ib daim qauv ntawm “Wisconsin Minimum Wage Rates Poster” (ntawv luam tawm ERD-9247-P).

Caij Xav Ua Hauj Lwm/Cov Sij Hawm Thiaj Ua Tau Hauj Lwm

Ib tug neeg ua hauj lwm tshiab tej npam yuav tsis tau thiab yuav tsum tsis txhob tos hais tias yuav muaj cov hauj lwm rau xaiv. Ntau lub tsev ua hauj lwm loj muaj ib txoj kev taug ua “caij nyiam ua,” thiab feem coob ntawm cov neeg ua hauj lwm tshiab yuav tsum txais txoj hauj lwm caij ob los sis caij peb ua. Txawm li cas los xij, kuj ib txwm muaj kev them nyiaj ntxiv rau ob cov caij nyoog no.

Koj Yuav Mus Ua Hauj Lwm Tau Li Cas?

Lus nug no tej npam yuav raug nug vim hais tias:
Pej xeem cov tsheb thauj xa tej npam yuav tsis muaj rau caij, thiab cov neeg ua hauj lwm uas tsis muaj tsheb yuav tsum tos kom lwm tug xa lawv xwb. Yog tug neeg tsav koj lub tsheb muaj yeeb yam tsis tshua zoo txog caij nyoog kev tuaj mus ua hauj lwm, koj yeem yuav zoo ib yam li nws.

Yog hais tias koj ho nyob ib nyuag deb ntawm chaw ua hauj lwm los sis yuav tsum ua ib txoj hauj lwm caij sib txawv, ib txoj kev yuav tuaj mus thiab los yuav tsum tau raug nrhiav kev saib xyuas txog yog hais tias koj tsis muaj tsheb caij thiab ho tsuas tos pej xeem cov tsheb caij xwb.

Thaum Muaj Kev Ti Tes Ti Taw Yuav Hu Rau

Npaj yuav muab tseg rau tug tswv zog ib qhov chaw nyob thiab ib tug zauv xov tooj ntawm ib tug neeg tseem ceeb uas ib txwm yuav hu rau tau, thiab ceev.

Hnub Yuav Khoom Tuaj Ua Hauj Lwm

Rau ib txoj hauj lwm thaun lub caij sov los sis hauj lwm ua raws cov caij ntawm ib xyoos, koj yuav tsum khoom ua tam sim ntawd. Yog hais tias koj twb ho ua hauj lwm lawm, koj yuav tsum muab ob-lub lis piam yam tsawg qhia rau koj tug tswv zog tam sim no—ntev dua yog hais tias koj muaj kev cog nrog los sis lub tsev ua hauj lwm cov kev cai tau hais tseg. Tawm ib txoj hauj lwm yam tsis muab kev qhia rau tug tswv zog kuj yuav tsis zoo rau koj mus lawm yav tom ntej yog thaum tug tswv zog ntawd ho tau raug nug txog ua ib txoj kev sib txheeb xyuas. Nws kuj yuav txiav koj txoj kev yuav tau rov qab mus ua hauj lwm rau hauv ntxiv.

Txoj Kev Zoo Neej

Yog koj muaj kev zoo neej, sau “zoo tshaj plaws” los sis “zoo heev.” Cov ntawv sau nrhiav hauj lwm tej npam yuav nug hais txog cov zauv hnub uas koj tsis tau mus ua hauj lwm vim muaj teeb meem ntawm txoj kev zoo neej thaum yav ob xyoos dhau los.

Xov xwm hais txog tej kev phais thiab kab mob tej npam kuj yuav nug txog thiab. Koj cov lus teb yuav pab tug tswv zog ua kev txiav txim ntsuas xyuas koj lub cev saib pos yuav muaj peev xwm ua tau txoj hauj lwm.

Yog koj ho muaj teb meem txog kev zoo neej los sis koj tug kheej tsuas ua tau tej yam hauj lwm xwb, tug tswv zog yuav tsis muaj cai tsis kam txais koj ua hauj, tshuav txhob yog nws yuav yog qhov uas cais kom koj ua tsis tau koj txoj hauj lwm.

Qee lub chaw ua hauj lwm xav kom muaj kev tshawb xyuas koj lub cev ua ntej koj yuav raug txais mus ua hauj lwm. Tej npam nws tsuas yog ib qhov ntsuas xyuas raws caij raws nyoog tej thaum kuj yuav ntsuas xyuas txhua-txhua yam. Yog hais tias tug tswv zog xav kom koj mus muaj kev tshawb xyuas rau nws txoj hauj lwm mas, tug tswv zog yuav tsum them cov nqi ntsuas xyuas ntawd

Kawm Ntawv

Tag nrho cov ntawv kawm — raws kev raws cai los si lwm yam — txij thaum tsev qhia ntawv qis los txog tam sim no yuav tsum qhia cov npe rau. Tej yam ntsiab ntawv kawm, xws li kawm kom txawj txog computer los sis kev kawm txog Red Cross cov kev nyab xeeb, kuj yuav tsum qhia tib si. Tej npam koj yuav raug nug kom qhia txog koj txoj kev sawv nyob hauv chav tsev kawm ntawv, los sis cov ntsiab ntawv kawm uas koj kawm tau zoo tshaj plaws, yog hais tias koj niam qhuav kawm tiav tsis ntev los no.

Kev Ua Si thiab Tej Yam Kev Txawj

Cov kev huaj vam, kev ua si, thiab tej yam kev txawj yuav muaj cuab kav qhia tau txog txoj kev paub tab los sis txawj pib, nyob ntawm saib pos yog tej kev puas tsav puas yam. Piv txwv, ua hauj lwm nrog cov tsheb los sis cov teev, tej npam yuav pab kom koj ho tau ua ib txoj hauj lwm uas muaj kev txawj kho tshuab. Qhia cov npe ntawm tej yam kev txawj ntawd los sis cov ntawv pov thawj, xws li kev muaj cuab kav siv tau cov tshuab hauv chav tsev ua hauj lwm — tib yam li ho txawj tsav dav hlau los kuj yog!

Kev Ua Hauj Lwm Tub Rog

Yog koj ho tau ua dua tub rog nyob hauv lub tsev tsov rog, tej npam koj yuav raug nug kom qhia txog cag hauj lwm uas koj tau ua, koj theem hauj lwm, thiab hnub uas koj nkag mus thiab tawm.Tsis tag li ntawd, tej npam koj yuav raug nug txog lub hauv paus thiab yam khoom thaum koj tawm uas koj tau txais.

Yog daim ntawv sau nrhiav haujlwm tsis nug txog koj txoj kev ua tub rog, tej npam koj yuav muab ntxiv rau hauv qhov uas yog “txoj hauj lwm dhau los.” Qhia txog tej yam hauj lwm tseem ceeb uas koj tau ua dua los uas yuav siv rau txoj hauj lwm uas koj tab tom nrhiav ua ntawd.

Yog koj ho tau ua tiav ib yam hauj lwm tub rog (tseem ua los sis tshwj tseg), tej npam koj yuav xav muab cov xov xwm ntawd qhia kom paub txawm hais tias yuav tsis tau nug txog.

Ua tub koom haum rau hauv lub tsev tsov rog txoj kev tswj tseg los sis National Guard ib txwm yuav ib sij muaj kev sib ntsib thiab mus “summer camp” ntawm tej lub sij hawm uas tau teem tseg uas koj thiab koj tug tswv zog yuav kav tsis tau. Qhov no kuj yuav xav kom muaj kev npaj tseg nrog rau koj tug tswv zog.

Tsev Qhia Ntawv Cov Hauj Lwm thiab Kev Ua Tau Zoo

Nyob hauv ib qhov xam phaj tej yam no tej npam tej yam no yuav muab suav ua qhov loj yog hais tias koj tsis tau ua hauj lwm los dua thiab koj yog ib tug me nyuam kawm ntawv ncaj nceeg. Kis las, kwv txhiaj, thiab lwm yam kev ua yuav tsum muab qhia rau tib si. Tej yam kev ua tau zoo –- tug coj hauv chav kawm, kawm ntawv zoo, tug thawj ntawm ib pab, tub kav xwm me nyuam kawm ntawv—qhia tau txog kev npoog tau thiab kev ua hauj lwm tiav. Tej yam kev ua xws li hu suab, kev tshawb xyuas pob txha neeg los sis kev sib cav nyob rau hauv tsev ua si yuav tsum muab qhia rau tib si. Ib tug neeg xam phaj tej npam yuav muaj kev nyiam rau tej yam no, thiab nws kuj yuav pab ua kom zoo li “icebreaker” rau qhov xam phaj ntawd.

Kev Txheeb Ze

Txawm hais tias cov neeg xam phaj yuav ib txwm nug cov tswv zog dhau los siv ua txoj kev txheeb ze, tej npam lawv kuj yuav nug kom koj ho muab koj tug kheej cov kev txheeb ze (tshuav txhob yog cov kwv tij). Cov xib hwb, kws qhia ntawv, cov neeg muab tswv yim los sis cov coj ntawm lub chaw ua si tej npam kuj yuav muaj tau thiab. Nco ntsoov thov lus tso cai ntawm lawv ua ntej lub sij hawm. Ib txwm mas, qhov chaw nyob, txoj hauj lwm, thiab tug zauv xov tooj ntawm cov neeg txheeb ze yuav raug nug kom muab qhia nyob rau hauv cov ntawv sau nrhiav hauj lwm.

Tsom Xyuas Kev Sau Ntawv

Qee daim ntawv sau nrhiav hauj lwm xav kom sau tsawg-tsawg, xyuas txog tus kheej cov tes ntawv los sis kos qhia me ntsis txog tus kheej. Tsis tag li ntawd, tej npam koj yuav raug nug, “Vim li cas koj thiaj xav tau txoj hauj lwm no?” los sis “Vim li cas koj thiaj li xav ua hauj lwm nrog peb?” Npaj sau ib daim ntawv tseg hais txog tej yam no rau hauv ib daim ntawv ua ntej los sis thaum lub sij hawm uas koj sau daim ntawv nrhiav hauj lwm ua ntawd. Npaj thiab ceev faj txog koj tej ntsiab lus thiab kom ho raug. Thaum koj tau muaj nws ua lub ntsej lub muag lawm, koj mam li yuav muab theej mus sau rau hauv daim ntawv nrhiav hauj lwm. Tug tswv zog yuav saib txog koj cov tes ntawv saib pos tseeb, sau pos yog, thiab koj txoj kev muaj cuab kav qhia tau txog koj tug kheej.

Kam Yuav Mus Kev Deb

Txawm hais tias cov hmoov yuav tsis tshua muaj rau cov neeg uas niam qhuav pib ua ib txoj hauj lwm tshiab yuav tau raud mu kev deb, tej npam koj yuav raug nug saib koj pos yuav kam ua li hais, nws kuj nyob ntawm yam hauj lwm los sis kev xav tau ntawm txoj kev mus kev deb yog hais tias koj ho tau muaj kev nce theem hauj lwm.

Txawj Lus Lwm Teb Chaws

Kev txawj lus ntawm lwm lub teb chaws kuj yuav muaj cuab kav yog ib qhov txiav txim pab kom tau tej txoj hauj lwm ua, nyob li cov hauj lwm uas yuav sib tham nrog tej pab neeg. Koj yuav tsum qhia tias saib koj pos nyeem, sau thiab hais yam lus ntawd tau, thiab koj ho txawj npaum li cas ntawm tej yam ntawd.

Xov Xwm Rau Txoj Hauj Lwm Dhau Los

Ib txwm mas, koj yuav raug nug kom muab qhia ua ntej txog lub npe hauj lwm tam sim no los sis qhov ze tam sim no tshaj plaws, ces koj txoj hauj lwm uas niam qhuav ua dhau los, thiab txoj ua los ua ntej ntawd. Nws yog ib qhov tseem ceeb kawg uas koj yuav tsum paub txog lub npe thiab txoj hauj lwm ntawm cov neeg kav hauj lwm yav dhau los. Saib xyuas txog cov sij hawm uas sib nrug ntawm ib txoj hauj lwm mus rau ib txoj hauj lwm, thiab xam tag nrho tej hauj lwm uas kav tsis ntev thiab hauj lwm ua dawb. Txawm yuav pleev xim, ua mov noj, saib me nyuam kuj yuav pab tau rau cov neeg hluas uas tsuas tau ua dua hauj lwm los me ntsis xwb.

Thaum piav txog tej hauj lwm uas koj tau ua dua los, zam kom txhob muag koj tus kheej tshaj - los sis - qis heev. Yog hais tias koj ho yog ib tug “neeg ua hauj lwm-ntaus ntawv,” txhob tsuas hais tias ib tug “neeg ua hauj lwm,” qhia kom tau. Nws kuj zoo tib yam li rau “tus kws electronic” los sis “tus kws X-ray.” Tej ntsiab hauj lwm yuav tsum qhia kom tau, zam kom txob pub muaj txoj kev hais mus ua txhua yam. Ib tug neeg dhos khoom uas tau ua hauj lwm sim khoom thiab yuav tsum qhia tag nrho ob txoj hauj lwm.

Lub tswv yim uas koj tawm txoj hauj lwm niam qhuav dhau los, los sis tab tom nrhiav hauj lwm tshiab uas yuav tawm ntawm txoj qub tam sim no, kuj yog ib qhov uas yuav raug nug. Cov xov xwm no tsuas yog ib feem ntawm daim ntawv sau nrhiav hauj lwm uas tsem ceeb heev rau koj tug tswv zog yuav muab coj mus xav xyuas. Nws kuj yuav qhia tau ntau yam. Piv txwv, koj pos yog ib tug “neeg dhia hauj lwm” los sis ib tug neeg dhuav hauj lwm? Koj pos yuav muaj cuab kav ua hauj lwm nyob rau ib txog xwb? Pos yog koj yuav zam txoj kev lees paub? Koj pos yuav muaj cuab kav ua hauj lwm nrog ib pa neeg?

Qhia kom ncaj rau txoj kev sib tham txog tej yam tswv yim uas tau ua kom koj tawm ntawm tug tswv zog yav dhau los, vim hais tias kev nug txog txoj kev txheeb ze ib txwm yuav qhia txog tej yam teeb meem uas xub muaj nyob rau koj cov hauj lwm uas dhau los lawm ntawd. Txawm li cas los xij, cov lus tsis tshua zoo mloog los sis lo lus ib txwm siv hais rau txhua yam xws li “chaw ua hauj lwm tsis zoo,” “neeg tsis sib haum xeeb,” los sis ‘tsis txaus siab” yuav tsum zam kom tsis pub muab hais tawm. Rov muab pauv hais dua, kev zoo (yog muaj tseeb) yuav tsum muab siv rau tej yam xws li — “muaj hmoo yuav tau hauj lwm zoo dua ua,” los sis “muaj hmoo yuav tau ua hauj lwm nrog cov neeg txawj ntse.”

Ib txwm mas koj yuav raug nug hais txog koj cov nyiaj thaum koj pib thiab xaus ntawm txoj hauj lwm yav dhau los. Nws yog ib lub tswv yim zoo kom paub tau txog koj cov nyiaj hli uas them raws lub teev, lis piam, hli thiab xyoo vim hais tias tej npam nws yuav raug nug tsis yog ib yam los kuj yog ib yam.

Lus Xaus

Feem coob ntawm cov ntawv sau nrhiav hauj lwm mas yuav xaus rau ib cov lus uas tau hais tias yog ho muaj kev qhia tsis ncaj los sis qhia tsis yog kuj yuav muaj peev xwm ua kom raug tshem tawm hauj lwm tau. Feem ntau ntawm cov lus qhia tsis yog yuav raug tshawb pom thaum lub caij tshawb xyuas txog kev txheeb ze.

Ib txwm ma sib cov lus uas tseem muaj hais ntxiv mus hauv phab ntawv ntawd mas yog cov lus tso cai rau tug tswv zog kom ho tau muaj cai hu mus nug nrog tug tswv zog yav dhau los tham—tej thaum kuj yuav yog tug tswv zog tam sim no. Nyeem sab ntawv no kom zoo vim hais tias muaj ib cov neeg qee zaum tsis xav kom lawv tug tswv zog tam sim no paub hais tias lawv tab tom nrhiav hauj lwm tshiab ua.

Kos Npe thiab Hnub

Txhob tsis hnov qab yuav kos npe thiab sau lub hnub rau daim ntawv nrhiav hauj lwm ntawd. Mloog mas zoo li yooj-yooj yim, tab sis raws li tau pom los dua mas muaj neeg coob heev uas tsis tshua tshuam xim ua kom tiav rau cov lus xaus ntawm daim ntawv no.

Lwm Yam Kev Xav Txog

Nws muaj ntau cov lus nug, uas pom nyob rau hauv daim ntawv sau nrhiav hauj lwm, yuav muaj cuab kav yuav rhuav cov lij choj uas yog tuav lub hom phiaj kom muaj txoj kev ncaj nceeg rau txoj kev ua hauj lwm, nyob ntawm saib cov lus teb yuav muaj siv rau li cas.

Ua lwm txoj kev hais, cov lus nug uas zoo ib yam li no tej thaum yuav raug tug tswv zog nug uas yog ib txoj kev pab kom lawv ho coj mus ua tau ib yam kev lwj lwg taug.

Vim hais tias koj yuav pom cov lus nug nram ntej no rau cov xov xwm nyob hauv ntau daim ntawv sau nrhiav hauj lwm, nws yuav yog ib lub tswv yim zoo uas koj yuav tsum ua kom swm nrog cov lus nug ntawd thiab kom tau taub hais tias tej npam lawv yuav raug siv mus kom raug kev raug cai thiab ho tsis raug.

Cov Kev Txhom thiab Kev Txhaum Plaub. Xam hais tias tug tswv zog txoj kev khaws tseg tej xov xwm ntawm ib txoj kev txhom yog ib qhov tsis yog kev yog cai vim hais tias ib qhov kev txhom yuav qhia tsis tau hais tias ib tug neeg tau ua txhaum lawm. Txawm li cas los xij, tej npam koj yuav raug nug hais txog tej kev txhaum plaub. Yog hais tias koj ho muaj ib qhov kev txhaum plaub khaws tseg, tug tswv zog tsis muaj cai yuav tsis kam txais koj ua hauj lwm vim yog los ntawm txoj kev txhaum plaub ntawd los sis tshuav txhob yog hais tias txoj kev txhaum plaub ntawd yuav muaj tej qhov kev sib txuas nrog txoj hauj lwm uas koj tab tom nrhiav ua.

Poj Niam los Txiv Neej. Tsoom fwv txoj Civil Rights Act tau txiav tsis pub muaj kev cais tawm rau lub luag hauj lwm uas yog los ntawm tug ntsiab lus uas yog poj niam lost txiv neej, tshwj tseg txhob yog tej yam hauj lwm uas muaj tsawg kawg nkaus uas tej npam txoj kev yog poj niam los txiv neej yuav yog “tib yam uas tsuas yuav siv tau uas yog qhov tseem ceeb rau txoj kev ua” ntawm lub lag luam. Ntxiv ntawd, nws tsis yog cai yuav them ib tug poj niam tsawg tshaj ib tug txiv neej rau tib yam hauj lwm ua.

Chaw Txawb ntawm Kev Sib Yuav. Yog hais tias ib tug tswv zog tsis kam txais ib tug neeg nrhiav hauj lwm ua vim yog los ntawm chaw txawb ntawm kev sib yuav, tug tswv zog ntawd tau rhuav lub xeev Wisconsin txoj kev lij choj ntawm hauj lwm sib luag (Wisconsin Fair Employment Law). Txoj kev tsis kam txais tug txiv los ua hauj lwm, tshuav txhob yog ib tug ua hauj lwm kav ib tug, nws kuj yog ib txoj kev sib cais lawm. Tsis tag li ntawd, ib tug tswv zog tsis muaj cuab kav ua cai tsis kam txais ib tug poj niam mus ua ib txoj hauj lwm vim los ntawm nws tus yeeb yam kev txhawj txog tug poj niam txoj kev txhawb nqa hauv nws lub tsev neeg.

Cov Neeg Nyob Hauv Yus Txoj Kev Saib Xyuas. Cov tswv zog yuav tsis muaj tej cov kev cai tsis kam txais neeg ua hauj lwm uas sib txawv ntawm cov niam txiv uas muaj cov me nyuam tseem muaj hnub nyoog me ua ntej yuav tau mus kawm ntawv.

Cov phooj ywg los sis cov kwv tij ua hauj lwm nyob rau hauv lub chaw ua hauj lwm. Lus teb rau qhov lus nug no yuav pab kom tau cov phooj ywg los sis cov kwv tij ntawm cov neeg ua hauj lwm tam sim no raug txais hauj lwm ua nyob rau hauv tib lub chaw ua hauj lwm. Tej yam kev sib pab no kuj yuav tsis yog cai yog hais tias nws ho yog ib qhov uas yuav txiav kom muaj hauj lwm tsawg rau cov poj niam los sis rau ib pab haiv neeg tsawg twd. Tsis kam txais cov kwv tij, tshuav tsis yog tug txiv/poj niam, yeem muaj cai ua tau.

Hnub Nyoog. Nws tsis yog cai ua yuav muaj kev cais rau lub hnub nyoog ntawm ib tug neeg uas muaj hnub nyoog 40 los sis tshaj saud. Txawm li cas los xij, nws yog ib qhov tseem ceeb hais tias cov tswv zog yuav tsum paub txog lub hnub nyoog ntawm ib tug neeg nrhiav hauj lwm uas muaj hnuv nyoog qis tshaj 18 xyoo vim muaj cov kev cai hais txog me nyuam yaus ua hauj lwm thiab lwm yam kev cai tuav txog kev hnub nyoog.

Muaj Kev Tsis Taus. Nws tsis yog cai yuav muab kev cais rau ib cov neeg uas muaj kev tsis taus tshuav txhob yog hais tias nws yuav qhia tau hais tias tej kev tsis taus ntawd yuav cheem kom ib tug neeg ua tsis tau nws txoj hauj lwm.

Tsis yog cai uas koj yuav raug yuam kom teb tag nrho cov lus nug nyob hauv ib daim ntawv nrhiav hauj lwm ua ntej koj thiaj li yuav tau raug txais ua txoj hauj lwm uas koj tab tom nrhiav ua ntawd. Koj yeem muaj cuab kav yuav teb rau hais tias “Xav tham nrog,” los sis koj yeem muaj cuab kav yuav tsis kam teb. Txawm li cas los xij, nws ib txwm tsis yog ib lub tswv yim zoo yuav ua li ntawd. Muaj qee tug tswv zog tej npam yuav xav hais tias koj muaj tej yam tsis zoo zais cia, thiab koj txoj hmoo uas yuav tau txoj hauj lwm ua tej npam yuav tsis tshua muaj.

Yog koj ho xav hais tias ib tug tswv zog muab kev sib cais rau koj, mus cuag lub chaw Equal Rights Division, Department of Workforce Development, 201 E. Washington Avenue, Madison, WI 53707 los sis 819 N. 6th Street, Milwaukee, WI 53203.