Tsis tau ua txoj hauj lwm ntawd?

12 Yam lus qhia uas yog vim li cas cov tswv zog thiaj li tsis kam yuav tej cov neeg nrhiav hauj lwm.

Yog koj ho tsis tau ua ib txoj hauj lwm uas koj xav hais tias koj yeem muaj (muaj tshaj plaws) tej kev txawj ntse txaus rau cov hauj lwm hauv niaj hnub no ntawm lub khw hauj lwm. Ua tib zoo nug koj tug kheej kom zoo raws li koj yuav ua tau hais tias, “Vim li cas?”

Pos yuav yog hais tias vim koj tau muaj ntau txoj hauj lwm ua ntawm ob peb xyoos dhau los no, ua li ntawd, koj thiaj ua kom tug tswv zog ntshai hais tias cov nyiaj uas nws yuav siv txais koj ua hauj lwm tej npam yuav siab heev vim hais tias tsis ntev xwb koj yeem yuav tawm dua hauj lwm lawm?

Qhov no yog ib lub hauv paus qib ib rau cov txoj kev tsis tau ua hauj lwm ntawm cov neeg nrhiav ua hauj lwm coj thiab kav lub tsev ua hauj lwm thiab cov neeg uas ua hauj lwm siv kev txawj kho, raws li ib txoj kev soj ntsuas ntawm lub chaw National Personnel Associates (NPA), yog ib qhov chaw sib hawm pab nrhiav hauj rau theem neeg ua hauj lwm saib xyuas tsev lag luam.

Los sis pos yog koj ua ib lub yeeb yam qhia kom pom tau hais tias koj xav tsiv teb tsaws chaw?

Muaj kev ceeb hai tias, qhov no yog lub hauv paus qib ob rau cov neeg nrhiav ib txoj hauj lwm kom tsis tau txoj hauj lwm ua, lub NPA txoj kev tshawb xyuas tau hais tseg.

Los sis pos yog hais tias koj thiab koj tug tswv zog tug cwj pwm tsis sib raug?

Qhov no yog lub hauv paus qib peb rau txoj kev plam hauj lwm—ib lub hauv paus uas cov neeg ua txoj kev soj ntsuas tau lees tseg.

Txoj kev soj ntsuas tau muab tawm 12 “lub hauv paus loj tshaj plaws” yog vim li cas cov neeg nrhiav hauj lwm thiaj li tsis tau ua txoj hauj lwm uas lawv nrhiav—xov xwm uas tej npam koj yuav pom hais tias muaj nqis heev txawm hais tias koj yuav yog neeg nrhiav hauj lwm tam sim no, los sis yuav muaj txoj kev nrhiav hauj lwm ze-ze yav tom ntej.

Zauv 1 — Dhia-hauj lwm

“Ib txwm mas, thaum niam qhuav pib ua hauj lwm ntawm thawj tsib xyoos, xav mas, txhob muaj ntau tshaj ob txoj hauj lwm; ntawm 10 xyoo, tsis tshaj peb txoj; ntawm 15 xyoo, tsis tshaj plaub txoj,” Charles W. Marks hais li ntawd, Charles W. Marks, NPA tug thawj coj (NPA’s executive director).

(Yam tsis xam nyob hauv yog tej lub tsev lag luam xws li engineering thiab data processing, qhov uas cov neeg ua hauj lwm yuav raug muab cuab rau ntawm txoj kev pauv mus heev).

“Nws yog ib qhov tseem ceeb ntawm txoj kev sib txawv nyob hauv qhov uas tau ua ntau txoj hauj lwm thiab muaj kev txawj ntau yam hauj lwm. Ntau txoj hauj lwm nyob hauv tib txoj kev txawj yuav zoo tsis cuag muaj txoj kev txawj hauj lwm ntau yam,” lus hais ntawm Dr. Arthur A. Witkin, thawj saib xyuas kws kho paj hlwb ntawm neeg cov kev txwaj ntse ntawwm ub xeev New York (chief psychologist of Personnel Sciences Center of New York).

“Nws yog ib qhov pab tau rau cov neeg muaj kev txawj ntse ntau yam thiab pab tsis tau rau ib cov neeg uas ua twj ywm ntev-ntev tag zog ntawm tib txoj hauj lwm qub. Qee tug neeg ua hauj lwm tau hais tias muaj 20 xyoo ua hauj lwm tab sis nws tsuas yog 1 xyoos ua hauj lwm uas sib law liag 20 zaug.”

Zauv 2 — Tsis kam tsiv

“Nws yog ib qhov tseem ceeb rau ib tug neeg ua hauj lwm kom qhia hais tias nws yeem yuav kam tsiv,“ yog kev ntsia pom ntawm Alice I. Johnson ntawm Allis-Johnson Personnel rau lub nroog Livonia, Michigan. “Cov tswv zog yeem yuav siv zog muab kev pab kom tau rau tug neeg ua hauj lwm uas kam tsiv, tab sis yog ho laug ntev hwv ces kuj yuav ua ib qhov chaw tua teeb rau lub tsev ua hauj lwm.”

Zauv 3 — Yeeb yam tsis sib raug

“Yog pom tseeb hais tias tug tswv zog ho xav hais tias koj lub yeeb yam yuav tsis zoo phim txoj hauj lwm, txhob muab koj cov sij hawm siv pov tseg ntxiv rau qhov chaw ntawd,” Witkin tau qhia li ntawd. “Ntawm rau lub hlis xwb, koj yeem yuav tau nrhiav dua lwm txoj hauj lwm tshiab lawm, muab qhov “yeeb yam tsis sib raug” ua lub hauv paus tawm koj txoj qub hauj lwm.”

Zauv 4 — Nyiaj hli uas muaj tsis taus

Yog koj tab tom nrhiav ib qhov nyiaj nce ntxiv 20 feem pua rau koj lub nyiaj hli, muab piv rau 10 feem pua ntawm yav dhau los, txoj kev no yuav muaj tsis taus. Tsis tag li ntawd, ho xav kom muaj tej kev pab uas tsis yog-nyiaj txiag, xws li xav kom muaj tsheb ntawm lub tsev ua hauj lwm caij, pab them nqi nkag mus rau hauv cov chaw ua si, thiab lwm yam.

Txhob poob mus rau txoj kev cuab ntxiab uas koj ho xav tau nyiaj hli siab heev. Tsuas qhia rau tug tswv zog hais tias nws twb paub txog koj tej nyiaj hli yag tag los lawm, qhov uas koj tab tom nrhiav mas yog ib qhov nyiaj hli kom zoo txaus thiab tau ib txoj hauj lwm ua mus kom kav.

Zauv 5 — Kev txawj ntse thiab paub hauj lwm

Yog koj tsis muaj tej yam kev txawj ntse uas tug tswv zog tau hais tias nws xav tau. Sim qhia rau nws txog koj tej kev kawm ntawv thiab tej kev kawm ua hauj lwm uas koj ho muaj los tej npam nws yuav pab tau ntau yam rau tej yam kev txawj uas txoj hauj lwm ntawd xav tau. Nws yog ib qhov pab raws kev pom dua los.

Zauv 6 — Xov xwm khaws tseg txog lub neej ua hauj lwm

Yog ib qhov chaw nyob hauv lub neej ua hauj lwm uas koj yuav tsis muaj cuab kav zais tau. Tib yam li cov nyiaj hli uas koj tau txais dua los, cov hauj lwm uas koj tau ua dhau los yuav muab dag tsis tau. Ua kom zoo tshaj plaws raws li koj yuav ua tau thiab tsuas yog ua tau li ntawd xwb.

Zauv 7 — Tsis tau npaj txog

Tej npam koj yuav plam txoj hauj lwm vim hais tias koj tsis tshua teb cov lus nug, tsis xav teb los sis tsis tau npaj txog nyob rau hauv kev xam phaj zaum xub thawj. Teeb meem txawv sab mas – txoj kev ho muab hais lus ntau heev thaum sib tham—kuj tseem nyob deb ntawm txoj kev ib txwm yuav ua tau.

Nws yuav zoo mloog dua kom ho muaj kev npaj rau txoj kev xam phaj uas yog muaj kev sim teb rau cov lus nug uas koj nseeg tau hais tias yuav raug muab los nug (kev pauv hauj lwm ua yav tag los, kam tsiv, kev xav tau nyiaj hli, vim li cas koj thiaj li tawm koj txoj hauj lwm txoj tom qab no, vim li cas koj thiaj li xav tau txoj hauj lwm no, etc.).

Zauv 8 — Kev sab laj tsis yog

Lub hauv paus no yog zoo tib yam li lub hauv paus No. 7 – ua kev tsis xav teb los sis ho hais lus ntau heev.

Zauv 9 — Tsis muaj kev yuav nce theem hauj lwm ntxiv

Tab sis qee zaum cov tswv zog yuav ntsia txog txoj kev loj ntxiv nyob ntawm ib tug neeg ua hauj lwm txawm hais tias qhov no tsis yog ib qhov xav tau rau ntawm txoj hauj lwm, Witkin hais li ntawd, tug uas tau muab kev sab laj rau ntau phav tug neeg kom paub npaj txoj kev ua hauj lwm. Koj yeem muaj cuab kav nug cov tswv zog saib yog nws xav tau ib cov neeg ua hauj lwm los sis ho xav tau cov neeg kav hauj lwm.

Tej npam koj yuav qhia hais tias koj yog ib tug neeg loj txaus lawm, koj yeem ib txwm ua hauj lwm nyav heev, koj yeem zoo siab ua hauj lwm kom kawg koj lub tswv yim, thiab koj tseem yog tug ua nyob ua hauj lwm tsim khoom rau lub tsev ua hauj lwm tom qab lthaum lwm tug twb mus tsev lawm, cov neeg ua hauj lwm uas xav rau qhov loj yeem yuav ua lwm yam uas lwm tug tsis kam ua.

Zauv 10 — Cwj pwm tsis sib haum xeeb

Cov kev tsis sib haum xeeb no tej npam yuav tshwm nyob rau tej qhov chaw hauv kev sab laj, los sis pom nyob hauv txoj kev txheeb xyuas los. Tug yawm sij rau qhov no mas yog hais tias lub hauv paus no kuj muaj kev txuas mus rau zauv 3 uas hais txog kev tsis tau hauj lwm ua—kev ntsia pom tug cwj pwm tsis zoo thaum xam phaj zaum xub thawj. Nws yog ib qhov ntsiab lus piav tau zoo tshaj plaws.

Zauv 11 — Poob hauj lwm ntev lawm

“Rau cov hauj lwm saib xyuas neeg, qhov 90 hnub mas yog xam hais tias yog sij hawm ntev kawd nkaus rau txoj kev tsis muaj hauj lwm ua,” Marks hais li. “Piav qhia txog tej yam khoom uas koj tsim tau nyob hauv ob peb txoj hauj lwm, “ Witkin tau ntxiv lus hais li. “Piav qhia txog koj tej kev mus kev deb zoo li cas, kev kawm thiab ua ntau yam hauj lwm uas yog kev npaj koj los ua txoj haujlwm no.”

Zauv 12 — Tsi muaj peev xwm ua neeg saib xyuas neeg ua hauj lwm

Tej npam koj yuav ntxub tej txoj hauj lwm no. Yog muaj ces, txhob muab koj cov sij hawm siv nrhiav ua txoj hauj lwm saib xyuas neeg. Mus ua lwm yam haujlwm.

Hais rau txhua yam

“Zam txhob pub kom muaj kev sib cav txog lub tsev hauj lwm tej kev coj nyob hauv kev xam phaj zaum xub thawj,” Marks qhia li ntawd.

“Qhia tej kev txiav txim siab—‘Kuv hu koj pos tau tag kis? Kuv xav muab coj mus xav tso,’ kuj yog zoo. ‘Kuv xav nrog kuv tug poj niam tham tso qhov’ no tsis tshua zoo.”

Ntau tug tswv zog yuav muab kev “nyuab siab” ua ib txoj kev siv xam phaj koj kom ntsuas saib koj yuav daws tej kev txhawj siab li cas; npaj txog rau tej yam no.

“Nws yog ib txoj kev coj ntawm txoj kev saib xyuas lag luam zoo uas yuav tsis kam qhia rau tug neeg ua hauj lwm hais tias yog vim li cas nws thiaj li tsis tau txoj hauj lwm ua,” Witkin piav li ntawd.

“Koj muaj cuab kav yuav nug yog vim li cas koj thiaj tsis tau ua txoj hauj lwm ntawd, thiab nws yuav ua kom pom hais tias koj mas xav tau txoj hauj lwm heev, tab sis txhob lam yuam kev ntseeg cov lus uas luag qhia rau koj vim hais tias tej npam cov lus ntawd tsis yog lub hauv paus tseeb rau txoj kev koj plam txoj hauj lwm ua.”

Xam tag nrho ces: nug koj tug kheej saib qhov twd ntawm 12 lub hauv paus yog lub teeb meem rau koj tiag-tiag. Kawm txog ntawm koj cov lus teb hais tias yuav ua li cas koj thiaj li yuav kho kom tau zoo tshaj rau tej hmoo no lawm yav tom ntej.